افغانستان 16 یاشلی فوتبال ملی تیمینینگ آسیا قهرمانلیک جامینینگ دستلبکی اویینی سوریه مقابلیده ایکی – ایکی پایانیگه ییتدی.
افغانستان فوتبال فدراسیونی خبرنامه نشر قیلیب ایتیشیچه، مذکور اویین اوتگن آقشام کویتده بولیب اوتگن.
افغانستان تیمی اوییننینگ بیرینچی یریمی 28- دقیقهسیده بیرینچی گولگه موفق بولدی، اما مذکور اوییننینگ بیرینچی یریمیده آلینگن آرتیق وقتده سوریه گول اوریب مساویگه ایریشهدی.
مملکت فوتبال فدراسیونینینگ خبرنامهسیده، افغانستان تیمی 56- دقیقهده ینه رقیب تیمینی گول اوروشگه موفق بولگن، لیکن مقابل تامان 72 – دقیقه ده گول اوروش بیلن مساوی بولهدی.
سوریه تیمی افغانستان فوتبال تیمی نی گول اوریب مساوی قیلگندن کیین، ایکی تیم هم غالب چیقیش اوچون آلیب بارگن سعی وحرکتلری نتیجه بیرمسدن مسابقه اوز پایانیگه ییتگن.
آسیا فوتبال قهرمانلیک جامینینگ اویینلری اوتگن آقشام کویت میزبانلیگی بیلن باشلندی. مذکور اویینلرده افغانستان «اف» گروپیده سوریه، سریلانکا و کویت بیلن چیقیش قیلهدی.
افغانستان 16 یاشر فوتبال تیمی ایرته (جمعه) کونی ایکینچی اویینی کویت بیلن اوتکزیلهدی.
افغانستان 14 یاشر فوتبال تیلمی هند مغلوب قیلگن
باشقه بیر خبرگه کوره، افغانستان 14 یاشلی ملی فوتبال تیمی هندنینگ سوپرکاپ مسابقهلریده بیرینچی اوینیده بیر- صفر نتیجه بلن پیروز بولگن.
مملکت 14 یاشر ملی تیمی بوندن اوچ کون آلدین هندگه بارگن ایدی. اوتگن کون (چهارشنبه) مذکور مملکت الف تیمی مقابلیده غالب بولیب، ایکینچی اویینی بنگلادیش بیلن اوتکزیلیشی کوتیلهدی.
