هلمند ولایتی کینگشی نماینده‌لری و کجکی تومنی خلق کینگش‌لری اعضاسی‌نینگ ایتیشیچه، اوشبو تومن‌گه دقت قیلینمه‌گن صورتده، وضعیتی موسی‌قلعه و نوزاد تومن‌لری‌دیک بولیشی ممکن.
اولرنینگ ایتیشیچه، امنیتی تهدیدلر، کجکی برق توغانی‌نی هم خطرگه دوچ کیلتیره‌دی.
کجکی تومنی، هلمند مرکزی لشکرگاه شهری‌نینگ 115 کیلومترلیگی‌ده جایلشگن، ایکی کوندن بویان امنیتی کوچلر بیلن طالب‌لر اورته‌سیده یوزبیره‌دیگن آغیر توقنه‌شوولرگه گواه بولگن.
کجکی تومنی اجتماعی کینگش باشلیغی و عضوی شهاب الدین و محمدحق‌نینگ، سلام‌وطندارگه ایتیش‌لریچه، آلتی آیدن بویان مذکور تومن باره‌دیگن یول طالب‌لرنینگ اختیاریده بولگن و بیر بوجی اون قیمتی 5000 افغانی‌گه ییتیشگن.
اولرنینگ ایتیشیچه، بونگه قوشیمچه، سونگی ایکی کون توقنه‌شوو نتیجه‌سیده، مذکور تومن مرکزی امنیتی کوچلرنینگ بیر حوزه‌سی و ایکی امنیتی پوسته قورال‌لی طالب‌لر قولی‌گه اوتکن.
اولرگه کوره، حاضر یالغیز کجکی مرکزی و مذکور تومن برق توغانی دولت کوچلری اداره‌سیده قالگن.
اولرنینگ کوپه‌یتیریشیچه، حکومت تامانیدن اوشبو تومن وضعیتی‌گه دقت قیلینمه‌گن صورتده، کجکی برق توغانی طالب‌لر آرقه‌لی بوزیلیشی ممکن.
