مملکت کانلر و پترولیم وزیرلیگی لوگر ولایتینینگ مس عینک کانی ساحهسیده تاریخی آبدهلری سقلهنیشی اوچون موزیم قوریلیشیدن خبر بیرگن.
مملکت کانلر وپترولیم وزیری داوودشاهصبا نینگ سلاموطندارگه معلوم قیلیشیچه، مذکور موزیم مملکت اخبارات ومدنیت وزیرلیگی هماهنگلیگی بیلن لوگر ولایتینینگ محمدآغه لوگر تاریخی آبدهلری سقلهنیشی اوچون موزیم قوریلهدی ولسواللیگیده قوریلیشی کوتیلهدی.
جنابصبا، مذکور موزیم قوریلیشی اوچون قیرق جریب ییر اختصاصلشتیریلگن و قوریلیشی ایشی بیر ییلده اوز پایانیگه ییتهدی دیگن. کانلر و پترولیم وزیری، مذکور موزیم ده مس عینک کانلر تاریخی آبدهلری قوشیمچه باشقه قدیمی عتیقه و آبدهلر هم جایلشتیریلیشینی تیلگه آلگن.
عین حالده، افغانستان اخبارات ومدنیت وزیری عبدالباری جهانینینگ ایتیشیچه، اوزاق وقتلردن بیری لوگر ولایتینینگ تاریخی آبدهلری خارج مملکتلرگه قاچاق ایتیلهدی همده تجربهسیز شخصلر تامانیدن قازیلیب آلگونچه جدی زیان کورهدی. جناب جهانینینگ لوگر موزیمی توزهتیلیشی بارهسیده بیلدیریشیچه، اوشبو موزیمگه برچه تاریخی آبدهلر توپلنگندن سونگ مذکور آبدهلر کورگزمهگه قوییلهدی.
شونینگدیک لوگر ولایت والیسی محمد حلیم فدایی، بو ولایتده موزیم توزهتیلیشی بیلن برچه تاریخی آبدهلر خوفسیزلیگی تامین ایتیلهدی دیگن. جناب فدایی اخبارات و مدنیت وزیرلیگیدن اوشبو موزیم قوریلیش ایشی اوز پایانیگه ییتگندن کیین، لوگرنینگ کابلدهگی برچه تاریخی آبدهلری مذکور موزیمگه آلیب کیلینیشینی سورهگن.
شونینگدیک او، اخبارات و مدنیت وزیرلیگی مسؤوللریدن اوشبو تاریخی آبدهلر قازیب چیقاریلیشده احتیاطدن ایش آلینیشینی طلب قیلگن.
اوشبو تدبیرنی خوش قرشیلهگن ولایتنینگ یشاووچیلری حکومتدن مس عینک کانینی قازیب چیقرهدیگن شرکت جدی نظارت ایتیلیشینی سورهگنلر.
ایتیلیشیچه، آخیرگی کونلرده مس عینک کانیدن قطار هیکللر کشف ایتیلگن. باستانشناسلرگه کوره، مذکور هیکللر میلیونلب دالر بهاگه ایگه.
لوگر مملکتنینگ تاریخی ولایتلریدن سنهلهدی. مذکور ولایتنینگ محمدآغه، خوشی، برهکیبرک و خروار ولسواللیکلریده اوزاق عصرلرگه تیگیشلی تاریخی آبدهلر کشف ایتیلگن.
عین حالده، مذکور آبدهلر طالبلر تیزیمی همده اوندن کیین ناقانونی شکلده قازیلیش یا – ده خارج مملکتلرگه آلیب کیتیلیشی عاقبتیده زیان کورگنلیگی تاکیدلنهدی.
