ملی بیرلیک حکومتینینگ اجراییه باشلیغی عبدالله عبدالله، اوتگن بیر ییل دوامیده ایریم قیینچیلیکلر یانیده بعضی یوتوقلرگه ایریشگنلیکلرینی ایتگن.
بوگون (دوشنبه) وزیرلر کینگشیده سوزلهگن جناب عبدالله عبدالله، مملکت اهالیسی اوچون تحمیل ایتیلگن اوروش و نابرقرارلیکلر کیلهجککه نسبتن خلقنینگ ایشانچلرینی کمیتیرگن.
شونینگدیک حکومت اجراییه رییسینینگ ایتیشیچه، قیین کونلرنی اوتکزگنلر ایندی ایسه ملی بیرلیک حکومتی آسان کونلر تامان آدیم کوتاریش ده.
بوندن آلدینلر ترقهتیلگن گزارشلرده ایریم معین تیوهرهکلر تامانیدن موقت حکومت ایجاد قیلینیشی ایتیلگن ایدی. جناب عبدالله بو توغریده بولگن برچه میش – میشلرنی رد قیلیب ایتیشیچه، افغانستان ایچکریسی و تشقریده بو توغریده هیچ قندهی برنامه موجود ایمس.
عین حالده، عبدالله موقت حکومت ایجاد قیلیش حل یول ایمسلیگی بارهسیده تاکیدلب، حکومت قرشیسیده بولگن معمالرنی بر طرف ایتیش اوچون آلدیندن کوره ایجابی و درست فعالیت قیلیش لازم دیگن.
حکومت اجراییه باشلیغی بوندن 14 ییل آلدین افغانستان خلقی آوازی اساسیده وجودگه کیلگن سیاسی جریان بوندن بویان هم دوام تارتیشی حقیده علیحده تاکیدلهگن.
ییغینده رواجلهنیش بولیمدهگی بودجهنی صرفلش سیکین لیگینی تنقید قیلگن عبدالله، جاری ییلده یالغوز 20% رواجلنتیریش بودجه عملی بولگن بو ایسه اهالی اوچون قبول قیلینمیدیگن بیر احوال دیگن.
گزارشلرگه قرهگنده، توقیز آی اوتیشی بیلن حکومت مالی ییل باشلنگندن بیری رواجلنتیریش بودجهنینگ ییریک قسمینی صرفلش موفق بولمهگن.
