هرات شهریده قیز اوقووچی‌لر کیتمه – کیت زهرلنیش‌لری آرتیدن، ولایت کینگشی نماینده‌لری، مدنی جماعه‌چیلیک فعال‌لری و ولایت اهالی‌سی «اولسین ترورچیلر» و « بیلیم‌نی زهرلنتیرمنگ» دییه شعار بیریب اعتراض بیلدیرگنلر.
هرات معارف اداره‌سی قرشی‌سیده توپلنگن مذکور اعتراچی‌لر امنیتی مسؤوللردن حادثه عامل‌لرینی تاپیب قول‌گه آلیش‌نی سوره‌گنلر. عین حالده، بوگون هم آلتینچی مرته هرات ولایتی‌نینگ قیز مکتب‌لریدن بیریده 120 اوقووچی زهرلنگن‌لر
هرات ولایت کینگشی‌نینگ اعضاسی عبدالرحمن پدرام، بو توغریده هرات امنیتی و کشفی اداره‌لرینی بی فرق ایکن‌لیکلریگه عیبلب ایتیشیچه، مذکور واقعه هر کون یوز بیره‌دی اما پولیس حادثه عامل‌لرینی قول‌گه آلیش‌گه هنوز موفق بولمه‌گن.
جناب پدرام، موضوع چلکیش بولگن‌لیگی سبب واقعه آرتیده ییریک دسیسه بارلیگی‌نی کورسته‌دی دیگن.
ولایت مدنی فعال‌لری‌نینگ آگاهلنتیریشیچه، حکومت مساله اوچون اعتبار قره‌تمه‌گن حالده، اوقووچی‌لر امنیتی تامین ایتیلیشی اوچون اوزلری حرکت قیلیشلری‌نی ایتگن‌لر.
عین حالده، اوشبو اعتراض‌ده اشتراک قیلگن هرات معارف اداره‌سی‌نینگ رییسی عبدالرازق احمدی‌گه کوره، هنوزگچه هم واقعه‌نینگ سببی انیقلنمه‌گن.
اوتگن اون کون دوامیده هرات شهری‌نینگ ایریم قیزلر مکتبی‌ده هنوزگچه 800 یوزدن آرتیق اوقووچی زهرلنتیریلدی.
