مملکت سنا مجلسی بوگون سنبله آیی‌نینگ 17-سی افغانستان و امریکه قوشمه ایالت‌لری اورته‌سیده امضالنگن اوزاق مدتلی خوف‌سیزلیک شرطنامه قیته کوریب چیقیلیشی‌نی ایتگن‌لر.
افغانستان‌لیک قطار سناتورلرگه کوره، مذکور شرطنامه‌گه قول قوییلگن‌لیگی هنوز مملکت‌ده امنیت، اقتصاد و سیاسی قیینچی‌لیکلر کوپیب کونده اونلب انسان حیاتدن کوز یومه‌دی. شونینگ‌دیک اولر، مذکور شرطنامه امضالنگن‌لیگی باعث کونده اونلب کیشی مملکت‌نی ترک قیله‌دی.
سنا مجلسی‌نینگ اعضالریدن بیری حسیب کلیم‌زی حکومت و مجلس‌نی اوشبو کیلیشووگه قول قویگن‌لیکلری سبب «تاریخی خطاگه» یول قویگن‌لیکلریگه عیب‌لب ایتیشیچه، امنیتی بیتم امضاله‌نیشی مملکت اهالی‌سی اولدیریلیشی‌گه سبب بولر ایکن، اوشبو شرطنامه قبول قیلینمی قیته‌دن اوستیده بحث آلیب باریلیشی لازم.
اونینگ سوزلریگه کوره، امریکه دولتی افغان ملی کوچلری جهازله‌نیشی همده اولرنی حربی ساحه‌ده تربیه‌لش اوچون ییلده ایکی میلیارد دالر یاردم کورسه‌تیش‌نی نظرده توتگن، لیکن باشقه تامادن بوندن آرتیق مبلغ‌نی حقانی ترور ترماغی همده پاکستان دولتی‌گه همکارلیک قیله‌دی.
بوندن آلدین بو قبیل شکایت‌لر پارلمان تامانی‌دن اظهار ایتیلگن ایدی، اما جمهور رییس‌نینگ ملی خوف‌سیزلیک مصلحتچی‌سی حنیف اتمر مذکور شکایت‌لرگه جوابا امریکه مملکت حربی‌لرینی حمایت قیله‌دیگن یگانه دولت دیگن ایدی.
سناتورلردن باشقه بیری موسی هوتک‌گه کوره، امریکه‌لیک حربیلری نیچه مرته افغان ملی کوچلرینی هجوم آستی‌گه آلیب اخیرده بیر عذر سوره‌ش بیلن اوزلرینی آقله‌گن.
جناب هوتک برچه بدبخت‌لیکلرنینگ اصلی عاملی انه شو امنیتی پیمانگه باریب تقیله‌دی دیگن. او، باشقه سناتورلردن مذکور کیلیشوو بیکار ایتیلیشی اوچون قرار آلیش‌لرینی سوره‌گن.
بوگون مجلس‌نی رهبرلیک قیلگن سنا مجلسی‌نینگ معاونی محمدعلم ایزدیار، ییغین سونگی‌ده سنا مجلسی‌نینگ خلق ارا کمیسیونی‌دن مساله‌گه علاقه‌دار بولگن مسؤوللرنی سناتورلرگه بو حقده جواب بیریش اوچون تیزلیک‌ده مجلس‌گه چیقیریش‌گه بویروغ بیرگن.
امریکه دولتی بیلن امضالنگن اوزاق مدتلی امنیتی شرطنامه سابق جمهور رییس کرزی زمانیده جنجالی بحثلردن ایدی. جناب کرزی اوشبو شرطنامه‌گه قول قوییشدن باش تارتگن ایدی. بیراق ملی بیرلیک حکومتی وجودگه کیلگن‌دن بیر کون سونگ مذکور شرطنامه گه قول قوییلدی.
