«افغانستان صناعتی‌دن حمایت ایتیش ملی اولتیریش؛ امکانیت‌لر، قیین‌چیلیک‌لر و ییچیم یول‌لر» نامی‌ده یکشنبه کون مملکت صناعت و سوداگرلیک وزیرلیگی تامانیدن کابل‌ده اوتکزیلدی.
اوشبو اولتیریش اشتراک‌چیلری، مملکت اقتصادی رواجلنیشی اوچون، دولت دن کیچیک صناعت‌نی حمایت ایتیشی‌نی سوره‌دی.
صناعت و سوداگرلیک وزیری همایون رسانینگ ایتیشیچه، افغانستان خرجت‌لی و وارداتی مملکت بولیب، اقتصاد و صناعت رواجلنیش بولیمی حاضرگچه جدی قیین‌چیلیک‌لرگه روپه‌ره بولیب تورگن.
جناب رسا، ملی ناخالص ایشلب چیقاریش 15% سهمیه‌سی‌گه اساس، صناعت اوتکن ییلرده اونچه‌لیک رواجلنمه‌گن‌لیگی و شونینگ‌دیک، خصوصی بولیم سهمیه‌سی قویی درجه‌ده بولگنینی ایتکن.
سوداگرلیک وزیری‌گه کوره، «صناعت و اقتصاد رواجلنیشی‌گه دقت بولگن صورتده، افغانستان‌ده صناعت بولیمی‌گه سرمایه یاتقزیش اوچون کوپینچه اقتصادی امکانیت لر موجود».
صناعت و سوداگرلیک وزیری، ناتینچ‌لیک‌لر، صناعتی پارک کم‌لیگی، ییر یوق‌لیگی، برق‌سیزلیک، سرمایه یاتقزوچی‌لرنینگ قرض‌گه قولی ییتمس‌لیگی، ترانزیتی قیین‌چیلیک، تخصصی کوچ و بشری منبع کم‌لیگی‌نی افغانستان‌ده سرمایه یاتقزیش برابریده جدی قیین‌چیلیک‌لردن دیب بیله‌دی.
باشقه تاماندن، افغانستان سرمایه یاتقزوچی‌لریدن حمایت ایتیش اداره «آیسا» باشلیغی محمدقربان حقجونینگ ایتیشیچه، کیچیک ایشلب چیقاریش اسکونه‌لر، مملکت‌لر اقتصادی‌گه اساس قویه‌دی.
جناب حقجو، حکومت‌دن مملکت اقتصادی رواجلنیشی توغری‌سیده، کیچیک صناعت‌دن حمایت ایتیش‌نی سوره‌دی. جناب حقجوگه کوره، صناعت‌دن حمایت ایتیش یالغیز سوداگرلیک وزیرلیگی‌نینگ وظیفه‌سی ایمس، بلکیم باشقه حکومت اداره‌لری تامانیدن حمایت ایتیلیشی لازم.
شونینگ‌دیک، صناعت و سوداگرلیک اتاق‌لری اورین باسری خان‌جان الکوزی‌نینگ ایتیشیچه، اقتصاد یوکسلیشی خصوصیده ایچکی ایشلب چیقاریش‌لر رواجلنیشی کیره‌ک. اونگه کوره، خرجت بیلن ایچکی ایشلب چیقاریش میزانی برابر بولگینچه، هیچ بیر مملکت ایاق اوستیگه توخته آلمه‌یدی.
افغانستان صناعتی‌دن حمایت ایتیش ملی اولتیریش، مذکور وزیرلیک‌نی یوزکونلیک برنامه‌لری‌نی بیرقسمی ایدی، بو اولتیریش مملکت‌ده سرمایه یاتقزیش امکانیت‌لرینی تانیش، ایچکی صناعت رواجلنیشی‌دن حمایت ایتیش و ییچیم یول‌لر خصوصیده اوتکزیلگن.
صناعت و سوداگرلیک وزیری‌نینگ، مملکت صناعت چیلری‌گه سوزبیریشیچه، افغانستان‌ده سرمایه یاتقزیش اوچون مناسب زمینه یره‌تیش خصوصیده سعی و حرکت قیله‌دی.
