ننگرهار ولایتی معارف ریاستی مسؤوللری، مذکور ولایت «هسکه مینه» و «اچین» تومنلریده 17 مکتب یاپیلگنیدن خبر بیرهدی.
اوشبو ریاست مسؤوللریگه کوره، اوشبو مکتبلر طالبلر تهدیدی باعث یاپیلگن و حاضر باشقه 10 مکتب جدی تهدیدگه روپهره بولیب تورگن.
ننگرهار ولایتی معارف ریاستی میدیا مسؤولی محمدآصف شینوارینینگ سلاموطندارگه ایتیشیچه، هسکه مینه تومنی معارف مدیری گزارشیگه کوره، 7 مکتب اوشبو تومنده یاپیلگن و باشقه 10 مکتب یاپیلیش تهدیدیگه روپهره بولیب تورگن.
جناب شینوارینینگ ایتیشیچه، بو مکتبلر طالبلر تهدیدی باعث یاپیلگن.
شونینگدیک، ننگرهار ولایتی معارف ریاستی میدیا مسؤولینینگ ایتیشیچه، باشقه 8 مکتب مذکور ولایت اچین تومنیده یاپیلگن.
شینواریگه کوره، معارف ریاستی اوشبو موضوعنی ننگرهار والیسی بیلن شریک قیلگن.
جناب شینوارینینگ، داعش گروهی حاکمیتیده بولگن اوقوتووچیلرنینگ بیر آیلیک معاشینی آلیشی توغریسیده ایتیلگن سوراققه جواب ایتیشیچه، اولر حاضرگچه بو توغریده رسمی معلومات قولگه کیریتمهگن، بیراق بو توغریده آوازهلر بولگن.
طالبلر و داعش گروهی جنگریلری نیچه آیدن بویان ننگرهار ولایتی هسکه مینه و اچین تومنلریده بیری- بیراوی بیلن توقنشماقده.
محلی گزارشلرگه اساس، حاضر «هسکه مینه» تومنی کوپینچه منطقهسی داعش گروهی حاکمیتیده بولگن.
