سرپل ولایتینینگ کوهستانات تومنی دولت قولیگه توشدی.
سرپل ولایت پولیس باشلیغی محمدآصف جبارخیلنینگ سلاموطندارگه ایتیشیچه، شوحاضر امنیتی کوچلر «علف سفید» منطقه سیدهگی اوتیش قیتیش یوللرنی طالبلر بارلیگیدن پاکلش اوچون حرکت قیلگنلر.
جمهور رییس بیرینچی اورین باسری ستر جنرال عبدالرشید دوستمنینگ شمالی ولایتلر اینقیسه فاریاب ولایتینینگ قیصار، المار، غورماچ و کوهستان تومنلریدهگی نابرقرارلیکلرنی یوقاتیش اوچون اوتکزگن عملیاتلردن کیین اوتگن کون سرپل ولایتیده کیلگن ایدی.
پاکلش عملیاتلر دوامیده سرپل ولایتی ایکینچی هدف بولیب، جنرال دوستمنی اوزیگه چارلهدی.
گزارشلرگه کوره، هلمند ولایتینینگ موسی قلعه تومنی هم دولت قولیگه کیریتیلگن. هلمند پولیسی نینگ سوزلاوچیسی شاهمحمود آشنانینگ سلاموطندار بیلن قیلگن صحبتیده ایتیشیچه، پنجشنبه کونی کیش قورونده آیساف و اردو کماندو کوچلری قوشیمچه هوایی و ییردن بولگن هجومی عاقبتیده، موسی قلعه تومنی و پولیس باشقرمه ساختمانلری قیته قولده آلینگن.
اوتگن چهارشنبه کونی طالبلر آغیر هجوم اویوشتیریشلری بیلن موسی قلعه تومنینی امنیتی کوچلر قولیدن آلگن ایدیلر.
جناب آشنا گه کوره، اوشبو عملیاتلرده آیساف وامنیتی کوچلرگه آسیب ییتمهگن، بیراق جنگریلردن اونلرچهسی هلاک بولگن. اما هلمند والیسینینگ سوزلاوچیسی عمر زواکنینگ سلاموطندارگه ایتیشیچه، عملیاتلر آقیمیده اردوکوچلریدن 5 عسکرهلاک و باشقه 10 تهسی هم تن جراحتی آلگن.
