لوگر یوکسک معلم تربیه‌لش موسسه‌سی‌نینگ اونلب استادلری قوشیمچه محصللر، مذکور ریاست‌ده اداری و مالی فساد بارلیگی اوچون اوتگن کون اعتراض بیلدیریب، اوشبو اداره ایشیگی‌نی یاپگن‌لر.
لوگر معلم تربیه‌لش موسسه‌سی‌نینگ اوقیتووچی‌لری همده اوقووچی‌لری‌نینگ سلام‌وطندارگه ایتیشلریچه، مذکور اداره‌نینگ باشلیغی محمدایوب شیرزاد و معارف اداره‌سی‌نینگ باشلیغی کینگ کولم‌ده مالی و اداری فسادگه قولی بار.
لوگر معلم تربیه‌لش موسسه‌سی‌نینگ استادلریدن بیری محمد اکرم نینگ سلام‌وطندارگه بیلدیریشیچه، معلم تربیه‌لش اداره‌سی رییسی محمدایوب شیرزاد و معارف ریاستی رییسی محمد اکبر استانکزی یاتاقخانه همده آیلیک‌لرنی اوغیرله‌گن‌لر.
مذکور اوقیتووچی‌گه کوره، جناب شیرداز محافظ‌تی دیوار قوریش‌نینگ برچه مالی هزینه‌سینی اوز چونتگی‌گه اوریب، عین‌حالده بو اداره‌گه اوز یقین‌لرینی ایشگه آلگن.
اعتراضچی‌لر، جناب شیرزاد عدلی و قضایی اداره‌لرگه تانیشتیریلمه‌گونگه قدر، اولر اوز اعتراض‌لریگه دوام بیریش‌لری توغری‌سی‌ده تاکیدله‌گن‌لر.
معلم‌لردن باشقه بیری برات خان‌نینگ سوزلریگه کوره، اوچ هفته‌دن بویان صنف‌گه حاضر بولمی درسنی ترک قیلگن‌لر. او، لوگر ولایت کینگشی همده معارف وزیرلیگی‌دن معلم تربیه‌لش موسسه‌سی‌نینگ ریسی ایش‌دن آلینیب، اورنی‌گه باشقه بیر قابلیت‌لی کیشی تعین ایتیلیشی‌نی سوره‌گن.
معلم‌لر سوزلرنی تصدیق‌له‌گن لوگر ولایت کینگش اعضاسی محمدناصرنینگ ایتیشیچه، مذکور قیین‌چیلیک باره‌سی‌ده تیزلیک‌ده افغانستان معارف وزیری بیلن صحبت قیله‌دی.
عین‌حالده، ولایت معارف اداره‌سی نینگ معاونی وزیراحمد مهمندنینگ سلام‌وطندارگه بیلدیریشیچه، مذکور معما حل ایتیلیشی اوچون هئیت آرقه‌لی معلم تربیه‌لش موسسه‌سی اداری ومالی فساد باره‌سیده‌گی دوسیه‌سی تیکشیریله‌دی.
اوقیتووچی‌لر همده اوقووچی‌لرنینگ برچه ادعالرینی رد قیلگن محمد ایوب شیرزادنینگ سوزلریگه کوره، برچه عیب‌لاولرگه باشقره‌لاووچیلیککه جواب بیریش اوچون تیار.
لوگر ولایت معلم تربیه‌لش موسسه‌سی‌نینگ حاضرگی کونده 1200 محصلی بار. مذکور ریاست مرکز داخل محمدآغه، برکی برک وخوشی ولسوال‌لیک‌لریده نماینده‌لیگی بار.
