ملی اردو کوچلر اورین باسری جنرال مرادعلی مراد، مملکت شمال‌ده داعش گروهی فعالیتی آشیشی توغری‌سیده خواطر بیلدیریب، اوشبو حوزه‌ده‌گی دولت‌گه قرشی قورال‌لی عصیانچی‌لر کوپینچه‌سی بو گروه‌گه قوشیلیشی‌نی ایتگن.
اونگه کوره، افغانستان‌ده داعش گروهی‌نینگ کوپچیلیک اعضاسی چیت ایللیک‌لر بولیب و تشقی مملکت‌لر تامانیدن حمایت بوله‌دی. بیراق جناب مراد، بو خصوصده معین بیر مملکت‌دن آت توتمه‌گن.
بلخ ولایتیده 209 – شاهین قول اردوقوماندانلیگی ینگی قوماندانی‌نینگ تانیشتیریش اوچون اوتکزیلگن ییغینده صحبت قیلگن جناب مراد، داعش‌نینگ عسکر آلیش و حمایه بولیش منبع‌سی بیللی ایمس دیگن. بیراق جناب مرادگه کوره، اوشبو گروه‌نینگ حبس‌گه آلینگن اعضالری تشقی مملکت‌لر تامانیدن حمایت بولیش‌لرینی ایتکن‌لر.
باشقه تاماندن، اردو کوچلری اورین باسری‌گه کوره، اوروش حاضرگچه مملکت شمال ولایت‌لرده دوام ایتماقده.
اونینگ ایتیشیچه، تروریست‌لرنینگ، هلمند، قندهار و کنر ولایت‌لریده ناکاملیگی، اولرنینگ مملکت شمالی‌گه تارتکن. جناب مرادگه کوره، عصیانچی‌لر شمال ولایت‌لرنی ناتینچ قیلیش‌گه سعی و حرکت قیله‌دی.
عین حالده، اردو کوچلر اورین باسری، ایریم شمالی ولایت‌لر جمله‌دن قندوز، بدخشان‌ده حربی عملیات یول‌گه قوییلیشی‌دن خبر بیره‌گن.
اونینگ ایتیشیچه، بو عملیات‌لر قورال‌لی عصیانچی‌لر هجومی‌نی باشقریش خصوصیده عمل‌گه آشیریله‌دی.
جناب مرادگه کوره، امنیتی کوچلر عملیاتی بدخشان، قندوز و بغلان‌ده عصیانچی‌لر نابود ایتیلگونگه قدر دوام ایته‌دی.
عین حالده، شمال‌ده حربی کوچلر ینگی قوماندانی عبدالحمید حمیدنینگ ایتیشیچه، دولت‌گه قرشی قورال‌لی عصیانچی‌لر افغان امنیتی کوچلری بیلن یوزمه‌یوز توقنشه آلمه‌یدی.
او، شمال حوزه‌سیده‌گی حکومت اداره‌لری و خلق‌دن، امنیتی کوچلرگه یاردم بیریش‌لرینی سوره‌گن.
شمالی ولایت‌لر سونگی کونلرده ناتینچ‌لیک‌لر و قورال‌لی طالب‌لرنینگ آغیر هجوم‌لری گواه بولماقده.
