ایچکی ایشلر وزیری نورالحق علومی‌نینگ ایتیشیچه، دولت‌گه قرشی عصیانچی‌لرحرکتی بیلن فساد ایرکین علاقه‌ده بولگن.
جناب علومی شبنه کون، عامه نظم‌لش پولیس فعالیتی تیکشیریش ییغینده ایتیشیچه، افغانستانده عصیانچی‌لیک اورته‌دن کوتریش یولی، فسادنی یوقاتیش دیر.
آلدینگی ترقه‌تیلگن گزارشلرگه اساسله‌نیب، امنیتی رسمی‌لر آره‌سیده فساد موجودلیگی، حربی عسکرلر اولیمی و امنیتی پوسته‌لر قولدن کیتیشی‌گه سبب بولیشی ایتیلگن ایدی.
عین حالده، ایچکی ایشلر وزیری، امنیتی کوچلرگه قره‌تیب؛ دولت‌گه قرشی قورالی‌لر برابریده رحم قیلینمه‌سین دیگن. اونینگ کوپه‌یتیریشیچه، عصیانچی‌لرنینگ هجومی افغانستان بویلب برچه منطقه‌ده امنیتی‌کوچلر قرشی لیگی‌گه روپه‌ره بولگن.
جناب علومی‌نینگ ایتیشیچه، امنیتی‌کوچلرعصیانچی‌گروه‌لرنینگ حکومت مقابلی‌ده توخته‌ش‌گه رخصت بیرمه‌یدی.
ایچکی ایشلر وزیری‌نینگ کوپه‌یتیریشیچه، ارباب‌لریدن بویروغ آله‌دیگن جنگریلرهیچ بیر قانوننی کوزگه توتمه‌یدی؛ بیراق امنیتی کوچلر اولرنینگ افغانستانده اویه قیلیش‌گه رخصت بیرمه‌یدی.
اونگه کوره، دولت‌گه قرشی قورال‌لی عصیانچی‌لر تامانیدن خلق و امنیتی کوچلرگه زیان ییتکن صورتده، جدی قرشی‌لیک‌که روپه‌ره بولیش‌لری ممکن.
عصیانچی‌لر اوروش و مذاکره بیلن اینگیله‌دی
عین حالده، ایچکی ایشلر وزیری ییریک مصلحت‌چیسی جنرال برامبونینگ ایتیشیچه، افغانستان دولتی عصیانچی‌لر حرکتی‌نی اینگیش اوچون ایکی گزینه، اوروش و مذاکره دن ایش آلیش‌لری کیره‌ک.
جناب برامبو، اوشبو اولتیریش‌ده دولت‌گه قرشی قورال‌لی عصیانچی‌لر هجومی توغری‌سیده اشاره قیلیب ایتیشیچه، تینچ‌لیک مذاکره‌سی، ثبات و تینچ‌لیک اوچون زمینه یره‌ته‌دی، عین حالده، عصیانچی‌لرگه حربی کوچلر تامانیدن قیناققه آلیش هم مهم موضوع‌لردن سنله‌دی.
اونینگ ایتیشیچه، بو ییل افغانستان امنیتی کوچلریگه آغیر ییل بولگن، بیراق بیرلشگن ملت‌لرتشکیلاتی افغانستان حربی کوچلریدن هر تامانلمه حمایت قیله‌دی.
سونگی پیت‌لرده افغانستان حکومتی و قورال‌لی طالب‌لر اورته‌سیده، رسمی مذاکره باشله‌نیشی بیلن، مذکور گروه هجومی مملکت ایریم منطقه‌سی اینیقسه شمال‌ده شدت‌لندی.
تینچ‌لیک ایکینچی‌دور مذاکره‌سی اوتکن جمعه پاکستانده اوتکزیلیشی ایتیلگن ایدی، بیراق طالب‌لر رهبری ملا عمرنینگ اولیمی و ملا اختر محمد منصورنینگ اونینگ اورنی‌گه تعیین‌لنیشی باعث، بو سوزله‌شوولر نامعلوم زمان‌گچه آرتده قالدی.
