کوچیلر و بهسود و دایمیرداد تومنینینگ یشاوچیلری ارا بولیب اوتگن توقنه شوولر نتیجهسیده ایکی تاماندن 8 کیشی هلاک بولگن.
میدانوردک ولایتی کینگش عضوی حضرت محمد جاناننینگ سلاموطندارگه ایتیشیچه، شنبه کوندن باشلب منطقه هزاره یشاوچیلری و کوچیلر ارا توقنه شوو جریانی بار.
جناب جاناننینگ کوپهیتیریشیچه، حاضرگه قدر محل یشاوچیلردن 4 کیشی و تورت کیشی هم کوچیلردن هلاک بولگن. ایکی تاماندن هم کوپچیلیک یرهلنگنلیگی ایتیلهدی.
بو ولایتی کینگش عضویگه کوره، حاضرگه قدر منطقه کوچیلری و هزارهلردن اونلرچهسی قورال اسلحه بیلن جهازلنگنلر و مذکور توقنه شوولر یوکسهلیب باریشی ایتیلهدی.
نیچه پیت آلدین جمهور رییس تامانیدن کوچیلر و محل یشاوچیلری ارا روی بیرگن تارتیشولر حل ایتیش اوچون تعیین ایتیلگن هیأتگه کوره، بهسود و دایمیرداد تومنلریده آتشبس نقض بولگن.
نیچه پیت آلدین صبغتالله مجددی باشلیغی بیلن بوکمیسیون، میدانوردک یشاوچیلری و کوچیلر قیینچیلیگی حل ایتیش اوچون 3 آی مهلت بیرگن ایدی تامذکور قیینچیلیکلر اساسی شکلیده حل ایتیلیشی اوچون جمهور رییس بیلن اورته گه قویماقچی ایدی.
اما سونگی اوروشلرکورسهتیشیچه، حتی بوکمیسیون ایکی تاماننی نیچه کونلیک آتشبس قیلیشگه هم موفق بولمهگن.
