امیریکه بیرلشمه یالتی و اروپا اتحادیهسی؛ ایران هستهیی مذاکره مهلتینی ینه اوچ کون (جمعه، 10 جولای) گچه تمدید قیلدی. اوتکن هفته ایران و 5+1 گروهی مملکتلر مذاکره مهلتی تمدیدی اوستیگه (سهشنبه کون، 16 سرطان) ده کیلیشگنلر.
گزارشلرگه کوره، وقتینچهلیک کیلیشوو ژنوده عملگه آشیریلگن و اوشبو کیلیشوو ملاحظهلری جمعه کونیگچه اعتبارلی دییلهدی.
امیریکه تشقی ایشلر وزیرلیگی ییریک مصلحتچیسی ماری هرفنینگ ایتیشیچه، قوشمه ایالتلر کیلیشوو کیفیتیگه آلدیندن کوره جدی دقت قیلهدی. اونینگ اورغولهشیچه، « بو موضوعگههم دقت قیلگنمیز، قتیق قرار زمان اوتیشی بیلن یومشهمهیدی».
امیریکه قوشمه ایالتلری تشقی ایشلر وزیرلیگی ییریک مصلحتچیسینینگ کوپهیتیریشیچه، « بیزلر کونسایین مذاکرهنی ایزلهیمیز و بیر یخشی کیلیشووگه ایریشیش اوچون سعی و حرکت قیلهمیز».
روسیه تشقی ایشلر وزیری سرگی لاوروفنینگ، ایران و 5+1 گروهی مملکتلر بیلن بولگن مذاکره محلینی ترک ایتهدیگن چاغیده ایتیشیچه، او باشقه بیرقطار رسمیلر بیلن ویننی ترک ایتهدی، بیراق بو سوزلشوولر کیلیشوو معناسیده ایمس و «مذاکره دوام ایتهدی».
جناب لاوروفگه کوره، حاضرگچه کمیده 8 مسئله حل بولمهگن، ایران قوراللهنیش تحریمی « مذکور مملکتگه قرشی تحریملرنی کوتریش اوچون اساسی مسئلهلردن بیری بولگن».
روسیه تشقی ایشلر وزیرینینگ کوپهیتیریشیچه، «سونگی کیلیشووگه یقینلشگنمیز و تامانلرنینگ کیلیشووگه قول تاپیش اوچون قیلگن سعی و حرکتی بیللی بولیب تورگن».
بوندن آلدین غرب دیپلماتلریدن بیرینینگ ایتیشیچه، سهشنبه کونگچه ایران و 5+1 گروهی مملکتلر اورتهسیده قالگن «تورت – بیش» قرهمه قرشی موضوع حل بولیشی ممکن.
ایتیلیشیچه، ایران و آلتی قدرت مقابلیدهگی زمانلر،تحریملر کوتریلیشی، تسلیحاتی تحریملر مسئلهسیدن بولیب ایران بولرنی کوتریلیشی اوستیگه تاکیدلهیدی. بولر ایران و دنیانینگ آلتی قدرتی اورتهسیدهگی جنجللی مسئلهلردن بولگن.
شونینگدیک فرانسه تشقی ایشلر وزیری لوران فابیوس، مذاکره محلینی پاریس اوچون ترک قیلگن و بوگون مذاکرهگه قیتیب کیلهدی. جناب فابیوسنینگ مذاکره محلینی ترک ایتهدیگن چاغیده ایتیشیچه، ایران هستهیی برنامه توغریسیدهگی مذاکره آسان ایمس دیر. قرهمه قرشی لیکلر موجود، بیراق مذاکره دوام ایتهدی.
اونینگ کوپهیتیریشیچه، فرانسه آچیق صورتده ییتیشرلی موضوعلر بیلن ایران هستهیی برنامهسی اوستیگه تاکیدلهیدی.
5+1 گروهی عضوی بولگن مملکتلرنینگ تشقی ایشلر وزیرلری سهشنبه کونی ایکی مرته اوچرهشگنلر. انهشو سبب اولرنینگ ایران رسمیلری بیلن اوچرهشوولری کیینگه قالگن.
ایران بیلن آلتی کوچلی مملکت مذاکرهسیدن مقصد ایران هستهیی فعالیتلری اوستیگه کیلیشیش و ایرانگه قرشی تحریملرنی اورتهدن کوتریش دییلهدی.
