اساساً قوی گوشتی بیلن و قوی یاغیده قاووریب تیارلنگنی سببلی بو پلو غایت ایسّیقلیک طعام حسابلنهدی. اونی ساووقلیک طعامگه ایلنتیریش اوچون، اینیقسه یاز فصلیده و ایسّیقمیجاز کیشیلر توپلنگنده پخته یاغی و مال گوشتی سالیب تیارلنهدیگن اصولی هم بار.
قوی یاغینی بادامدهی – بادامدهی قیلیب توغرهیسیز. گوشتنی ایسه خودّی کبابگه توغرهگندهی، باش برماق نینگ بیرینچی بوغینی کتّهلیگیده کیسهسیز. اساساً قَبیرغه و سان گوشتلری تنلب آلینهدی.
قَبیرغه سویکلری 4 سم کتّهلیکده، ایلیکلی سویک اېسه 10 سمدن آشمهیدیگن قیلیب چاپیلهدی. اوشبو پلو اوچون آق تخم پیاز و موشک یاکه سریق سبزیلر تنلنهدی. پیازنی حلقه – حلقه قیلیب، سبزینی گوگرد نینگ چوپی کتّهلیگیده، سمانچه شکلیده توغرهش کیرهک.
قازاننی قوروق قیزدیرگندن سونگ دنبه یاغنی سالهسیز و اورتهچه آلو بیریب ایریتیب، جیزّهسینی آلهسیز، سونگ سُستراق آلوده تا آق توتون چیققونچه یاغنی داغلهیسیز. یخشی داغ بولگنینی بیلیش اوچون یاققه ییریک توز تشلهسنگیز، تسیر- توسور آتیلهدی، شوندن سونگ بیر باش اریتیلگن پیاز یاکه برماقدیک یَیداق قبیرغه سویک تشلب قیزرتیریب سونگ آلیب تشلش کیرهک.
اینیقسه پلونی پخته یاغیده تیارلهگنده بو اصولنینگ اهمیتی کتّه: اوسیملیک یاغیدهگیگه سسیپال دیب اتهلووچی زهرلی مادّهنی کوچینی قیرقیب دیگه سسیپالگه ایلنتیریشده پیاز وسویک تازهلاوچی مادّه وظیفهسینی اوتهیدی.
یاغ یخشی چوچیب، داغ بولگنده پیازنی تشلهیسیز، کاولب – کاولب، قیزرگونچه جزلهیسیز. پیاز شیغیل بولیب قیزرگنده گوشتنی تشلنگ، بونی هم کاولب سیرتی قابیق آلگنیده، سبزینی سالیب مورتلیگی یوقالگونچه قاوورهسیز.
سونگره سوو قوییب، سُست آلوده مِیلدیرهتیب قَیینتهسیز، توز و زیروارلر هم سوو قویگندن سونگ سالینهدی. پلونینگ لذتلی چیقیشی اوزاقراق قَینهشیگه باغلیق. 1 ساعتچه مِیلدیرهب قَینهسه، مَثللیغی، زیروارلردهگی مادّهلر ایریب یخشی بۉلهدی.
گوروچ اساساً 3 مرته یوویلهدی، البته اوپهسی کم گوروچ بولسه بونچه یوویش کفایه. اوپهسی کوپراق گوروچنی 4- 5 مرتبه ایرینمهی یوویش ضرور، شونده پلو ساچیلووچن، دانه - دانه بولیب پیشهدی.
یوویلیب، سووی یخشیلب سِرقیتیلگن گوروچنی زیروهک یوزیگه بیر قتلم قیلیب سالهسیز. اوچاقدن چوغنی کیکیب آلیب، کوچلی النگه بیرهسیز و درحال گوروچگه سوو قویهسیز.
پلو تیارلهیاتگنده سوو قوییش بو برنج نینگ قنچه سوو کوتاریشینی بیلیشنی طلب اېتهدی و آش پزنینگ تجربهسیگه هم باغلیق بولهدی. شو سببلی سوو اولچاوینی انیق ایتیش قیین، بونی هر بیر پزنده قازان اوستیده اوزی حل قیلهدی.
هرحالده قوییلگن سوو گوروچ یوزهسیدن کورسهتکیچ برماق نینگ بیرینچی بوغینی درجهسیده، یعنی 1 1،5 سم بولسین. النگه کوچهیگنده پلو نینگ بیر تیکیس قَینهشیگه ایریشماق مهمدیر.
قازاننینگ بیر تامانی قَینهب، بیر تمانی قَینهمسه آش تیریک بولیب قالهدی. اورتهسی قَینهمسه توزی کملیگیدن دلالت. پلوگه توز ایکّی مرته سالینهدی: گوروچ سوونی کمیمسدن توریب قازان بیر تیکیس قَینهگنده تهتیب کوریب، توزینی راستلهیسیز و سووینی توله تارتگنده دَملهیسیز.
سووی قوریماغینی بیلماق اوچون گوروچ یوزهسیگه کفگیر نینگ تیسکریسی بیلن اوریب کورسهنگیز گوپ – گوپ آواز بیرهدی، اگر شیلپ – شیلپ قیلسه، دیمک سووی هلی قوریمهگن و النگهنی کوچهیتیریش کېرهک.
دَملشدن آلدین گوروچنی قازان نینگ اورتهسیگه گنبذ قیلیب توپلب، مخصوص دَمچوپ یاکه یاغاچ قاشیقنینگ ساپی بیلن سوقیب چیقسنگیز، تیشیکچهلر حاصل بولیب، سووی قازان توبیگه کیتیب، بوگی تیپهگه کوتاریلهدی.
سونگ دَم تاواقنی یاپهسیز و اوچاقدن چوغنی چیقاریب آلهسیز. گازده پیشیرهیاتگن بولسنگیز شمع دیک قیلیب پستلب قویهسیز. بو نینگ اوچون گاز چیقهدیگن تیشیکچهسیگه بیگیز تیقیب کتّهراق آچیلهدی، شونده النگه وریللب یانهدیگن بولهدی و پلو نینگ قَینهشی آسانلشهدی.
دَملش مدتی 25 30 دقیقه دَم تاواقنی آچگهچ، پلونی کاولب یخشیلب ارهلشتیرهسیز. شونده گوشتلری و سبزیسی گوروچگه بیر تیکیسده قاریشهدی. گوروچ بیر- بیریگه مشتلشیب قالگن بولسه کفگیر بیلن اجرهتیب یوبارهسیز.
پلونی کتّه لگنگه گنبذ قیلیب سوزهسیز، اوستیگه گوشتلرینی جایلهیسیز و دسترخوانگه سَلهت بیلن بیرگه کیلتیرهسیز. سَلهت یاز و کوز فصللریده شکرآب، اچّیق – چوچوک، قیشده کیرتیلگن تورب، بهارده اېسه باشقه سبزیلردن فایدهلنیلهدی.
پلو اوچون کیرهک بوله دیگن نرسهلر: 1 کلو برنج، 1 کیلو قوی گوشتی، 250 گرام قوی یاغی، 45 باش پیاز، 500 گر سبزی، 1 چای قاشیغیده زیره، توز اېسه ضرورتگه کوره سالینهدی.
پلونی دسترخوانگه کیلتیریشدن آلدیدن قازانده یخشیلب ارهلشتیریب لگنگه گنبذ قیلیب سالینهدی، یوزیگه سویکلی گوشتلرنی تیریب، ایسق نان بیلن کیلتیریب تناول قیلیش تیار قیله سیز. اوزبیک پلوی اوزبیکلر عیالهسی اوچون مخصوص طعاملردن سنهلهدی. بوطعام اوزبیکلردن تشقری باشقهلر تامانیدن هم اعزازلهنیب دایم یاقتیریب ییلهدی.
