تخار ولایتی کینگش عضوی لطیفه سعیدی، مذکور ولایت مرکزی تالقان شهریده بیر ترافیک پولیسنینگ کلتکلهگن.
حبیبالله ناملی مذکور عسکر؛ خانم سعیدی موترینینگ یول اورتهسیده توختهتکنیده ناراضلیک بیلدیرگن بیرچاغده هجوم آستیگه قرار تاپهدی.
حبیبالله نینگ سلاموطندارگه ایتیشیچه، خانم سعیدی موترینی یول اورتهسیده توختهتکن و یولچیلرنی یولی توسیلیشیگه سبب بولگن.
حبیبالله نینگ ایتیشیچه، خانم سعیدیدن موترینی چیتده توختهتیشینی سورهگن، اوشبو ولایت کینگش عضوی قوروچیلریگه اونی کلتکلشیگه بویروغ بیرگن.
عین حالده، خانم سعیدی اوشبو ترافیک پولیسنینگ کلتکلگنینی قبول ایتهدی. خانم سعیدینینگ ایتیشیچه، «ارسلاننینگ اورغاچی و ایرککی بولمهیدی» اوترافیک پولیس اوستیگه ارسلاندیک هجوم اویوشتیرگن و قیلگن ایشیدنهم پشیمان ایمس.
خانم سعیدینینگ بو ایشی تالقان شهری یشاوچیلرینینگ اچیقلنیشیگه سبب بولهدی و شهر اهالیسی ترافیک عسکردن حمایت قیلیب ولایت کینگش عضوینینگ اوستیگه هجوم کیلتیریب موتری شیشهسینی سیندیرهدیلر. بیراق ملی امنیت رسمیلری خانم سعیدینینگ اهالی قولیدن قوتقرهدی.
عین حالده، ترافیک عسکر حبیبالله نینگ ایتیشیچه، تخار ولایت کینگش عضوی لطیفه سعیدی، افغانستان پولیسیگه اهانت قیلگن و بو قضیهگه دقت قیلینمهگن صورتده، باشقه پولیس کییم کیمهیدی.
باشقه تاماندن، تخار پولیس سوزلاوچیسی خلیل اسیرنینگ ایتیشیچه، خانم سعیدی ترافیک قانونیگه عمل قیلمهی، موترینی شهر اورتهسیده توختهتکن.
جناب اسیرنینگ کوپیتیریشیچه، بو واقعه لایحهسی محکمه یوباریلهدی.
تالقان شهرینینگ ترافیک عسکری حبیبالله، قانونی انسان صفتیده تانیلگن و بو ایکینچی مرته دیر، کلتکلنهدی.
