حکومت اجراییه باشلیغی عبدالله عبدالله اوتکن چهارشنبه کونی افغانستان ده‌گی بیرلشگن ملت‌لر تشکیلات خاص نماینده‌سی‌نینگ اورین باسری بیلن اوچره‌شیب، سیلاولر اصلاحاتی مین و افغانستان خلقی اوچون قیزیل چیزیغ دیگن.
جناب عبدالله سیلاولر تیزیمی‌گه اصلاحات کیلتیریلیشی‌گه تأکیدلب ایتیشیچه، « شو کیچه-کونده سیلاولر تیزیمی‌گه اصلاحات کیلتیریش کمیسیونی ایشی باشله‌نیشی توغری سیده سوزلشوولر دوام ایتماقده».
جناب عبدالله نینگ کوپه‌یتیریشیچه: « سیلاولر تونیق‌لیگینی تامین‌لش اوچون آچیق لایحه ریجه‌سی، خلق آوازی تونیق‌لیگی و سیلاو لایحه سیگه خلق ایشانچی‌نی قیته‌دن جلب ایتیش، سیلاولر اصلاحاتی اونملی مساله لریدن بولگن».
بیرلشگن ملت‌لر تشکیلاتی‌نینگ افغانستان ده‌گی خاص نماینده‌سی اورین باسری تداماچی یاماموتونینگ ایتیشیچه، افغانستان کیله سی سیلاو لایحه سیدن بیرلشگن ملت‌لر تشکیلاتی‌نینگ تخنیکی و مالی حمایتی نینگ شرطی، سیلاولر تیزیمی‌گه اساسی صورتده اصلاحات کیلتیریلیشی دیر.
بیرلشگن ملت‌لر تشکیلاتی افغانستان‌ده 93- ییل ده‌گی اوتکزیلگن سیلاوده یوزبیرگن قُلاب کارلیک‌دن درس آلگنی اساس، سیلاولر تیزیمی‌گه قنقه اصلاحات کیلتیریلیشی اوچون بیر ریجه‌نی ملی بیرلیک حکومتی‌گه تکلیف قیلگن.
جناب یاماموتونینگ اورغولشیچه، سیلاولرده یوزبیرگن تقلب توغری سیده حساب آلیش، اونملی موضوع لردن بیری بولیب بیرلشگن ملت‌لر تشکیلاتی جدی آلینیشی‌گه تاکیدله‌یدی و بو مساله خلق ایشانچی جلب ایتیلیشی و سیلاولر تونیق‌لیگی اوچون اونملی موضوع‌لردن دیدی.
او، اوتکن سیلاولر قضیه سیگه اشاره قیلیب ایتیشیچه، بیرلشگن ملت‌لر تشکیلاتی‌نینگ تیکشیروی‌گه کوره، افغانستان خلقی قُلاب لیک عاملی جزالنیشی‌نی سوره‌یدی.
جناب یاماموتو، سیلاولر تیزیمی‌گه اصلاحات کیلتیریش توغری سیده ملی بیرلیک حکومت رهبرلری نینگ سیاسی اراده سی‌نی ایجابی مساله بیلیب کوپه‌یتیریشیچه، بیرلشگن ملت‌لر تشکیلاتی‌نینگ افغانستان ده سیلاولر و دموکراسی‌دن حمایت ایتیشی بیر اصل دیر.
اوتگن کون جمهور رییس غنی و اجراییه باشلیغی عبدالله عبدالله، سیلاولر تیزیمی‌گه اصلاحات کیلتیریش کمیسیون باشلیغی تعین‌لنیشی‌گه کیلیشگن‌لری ایتیلگن ایدی. بیراق بیللی ایمس حکومت رهبرلری، کیم‌نی اوستیگه مذکور کمیسیون باشلیغی صفتیده کیلیشگن‌لر.
اجراییه ریاست سوزلاوچیسی‌نینگ اورین باسری جاوید فیصل‌گه کوره، حاضر سیلاولر تیزیمی‌گه اصلاحات کیلتیریش کمیسیونی‌نینگ ایشی کیین قالیشی‌گه هیچ بیر بهانه قالمه‌گن. اونینگ کوپه‌یتیریشیچه، جاری هفته اداغی‌گچه بو کمیسیون اوز ایشی‌گه باشله‌یدی.
اونگه کوره، سیلاولر تیزیمی‌گه اصلاحات کیلتیریش کمیسیون ایش‌گه باشلمه‌گن صورتده، پارلمان سیلاوی اوتکزیلیش تاریخی بیللی بولمه‌یدی.
سیلاولرگه اصلاحات کیلتیریش کمیسیونی‌نینگ ایجاد ایتیلیشی اشرف‌غنی و عبدالله عبدالله نینگ اورته سیده تشکیل ایتیلگن ملی بیرلیک حکومتی‌نینگ سیاسی کیلیشووی ایدی.
