مملکت ملی خوفسیزلیک ریاستی، اوشبو ولایت دولت باشقرهلاوچیلیگی همده مذکور ادارهنینگ خادملری تامانیدن غزنی بیلیم یورتینینگ ایکی استادی تحقیرلهنیب ساچلری قیریلگنی اوچون عذر سورهدی.
مملکت ملی امنیت ادارهسی نینگ باشلیغی رحمتالله نبیل بوگون مذکور ایکی استاد بیلن کوریشیب، اولرنی جامعهنینگ معنوی آتهسی دیگن. نبیل بو ادارهنینگ برچه ملازملری آدرسیدن اولردن عذر سورهگن.
غزنی بیلیم یورتی تیل و ادبیات فاکولتهسینینگ استادلری نصیراحمد آرین و حبیب کاشفی اوزاق مددتدن بیری اوشبو بیلیم یورت استادی صفتیده درس بیریب کیلماقده.
اوشبو ایکی استاد بوندن تورت کون آلدین بیلیم یورت بیر ماموری ایستهگی اساسیده ملی خوفسیزلیک ادارهسی ملازملری آرقهلی حبسگه آلینیب ولایت باشقرهلاوچیلیگیگه یوباریلگن. اوشبو استادلر اداری فسادگه عیبلهنیب قولگه آلینگنلیکلرینی ایتگنلر.
ملی خوفسیزلیک ادارهسی ملازملرینینگ مذکور ایشی بیلیم یورت محصللری عکس العملیگه روپهره بولدی. محصللر، تیزلیکده واقعه عامللری قولگه آلینیب جزالهنیشی نی طلب قیلگنلر.
کورینیشیچه، غزنی ملی امنیت ادارهسی هم اوشبو ایش اوچون مذکور استادلردن عذر سورهگن. اما، حادثه عامللری بیلن قندهی یاندهشیلیگنی بارهسیده هیچ نرسه دیمهگنلر.
عین حالده، جناب نبیل، حادثه عامللری قولگه آلینیب، جزالهنیش لریدن سوز بیرگن.
