هلمند پولیس باشلیغی مذکور ولایت‌ده پولیس معاشیدن میلیونلرچه افغانی اوغیرلنگن لیگیدن خبر بیره‌دی.
هلمند پولیس باشلیغی نبی‌جان ملاخیل بیرخبری ییغین اوتکزیب، اوتمیش بیر آیی ایچی‌ده ولایت سنگین و مارجه تومن‌لری ده‌گی پولیس معاشی، هیأت تامانیدن توضیع بولردی؛ اما حاضرگه معلوم قیلینیشیچه، مذکور هیأت پولیس معاشینی اوغیرله‌گن.
انچه پیتدن بویان ناتینچ ولایت‌لرده‌گی پولیس معاشی اوغیرلنه‌دی دیگن گزارشلر بار ایدی.
هلمند رسمی‌لری ایتیشیچه، قضیه‌ده قولی بولگن‌لر توتیلگن و سارنوال‌لیک‌که معرفی بولگن. اولرگه کوره، رسانه‌لردن پولیس معاشی اوغیرلنگن خبری ترقه تیلیشی بیلن، عامل‌لر توتیلیشی‌گه اقدام بولگن.
ملاخیل ایتیشیچه، اوغیرلنگن پول‌لرکوپی‌سی وظیفه گه حاضر بولمه گن پولیس‌لر آتیگه آلینر ایکن، یا یلغاندن آت قویب هیچ وجودی بولمه گن حالده پولیس‌لیگی تصدیقله‌نیب، معاش چیقاریب آلرکن‌لر.
اونینگ ایتیشیچه، حاضرگه قدر اوغیرلنگن پول‌لردن 7 میلیون افغانی‌سی قولگه کیلگن.
مذکور پولیس باشلیغی‌نینگ ایتیشیچه، معاش اوغیرلش مساله‌سی اوچون هلمند باشقه منطقه لرینی جدی شکلیده کوریب اوته‌دی و عامل‌لرینی توتگن‌دن کیین قانونگه تاپشیره‌دی.
ایتیلیشیچه، اوروش ساحه سیده بولگن پولیس‌لر و بانکی خدماتی بولمه گن منطقه‌لرده‌گی پولیس کوچلری‌گه نقدی شکلیده معاشلرینی تاپشیر سبب بولگن تا فساد گه قول اورسه‌لر.
هلمند ولایتی‌ده 7 مینگ ملی پولیس و 3مینگ گه یقین محلی پولیس فعالیت قیلیب کیلماقده. حاضرهم مذکور ولایت اولکه ناتینچ ولایت‌لریدن سنله‌دی.
