افغانستان عدالت‌لی و ایرکین سیلاولر بنیادی (فیفا) سیلاولر تیزیمی‌گه اصلاحات کیرتیش اوچون تشکیل ایتیلگن کمیسیون، نماینده‌لر مجلسی و ولایتی کینگش‌لر سیلاوی باره سیده پارلمان اعضالری فکرینی اورگنگن. اوشبو حساباتده علم‌ده‌گی نماینده‌لر مجلسی نینگ 69 فایزی کیلگوسی پارلمانی سیلاولرده اشتراک قیله‌دیلر و 26 فایزی وکیل‌لر ایسه هنوز بو باره‌ده قرار آلمه گن.
اوشبو فکر اورگه‌نیش 84 فایز ایرکک و 41 فایز عیال‌لردن عبارت 125 ملت وکیلی اوستی‌دن اوتکزیلگن. مذکور فکر اورگه‌نیش بیر آی‌ده تیارلنگن.
اوتگن کون حمل آیی نینگ 17- سیده یولگه قوییلگن ییغین‌ده سوزله‌گن فیفا اداره‌سی نینگ تحقیقی مسؤولی عقیل آزادنینگ ایتیشیچه، فکر اورگه‌نیلگن کوپچیلیک نماینده‌لر نا برقارلیک، رای بیریش مرکزلر اوزاق‌لیگی و سیلاولر کمیسیونی‌گه نسبتن اهالی نینگ ایشانچ‌سیزلیگی توغریسی‌ده خواطر بیلدیرگن‌لر.
مذکور نماینده‌لر سیلاولرگه اصلاحات کیرتیش تیزمی ایجاد ایتیلیشی‌گه تاکیدله‌گن‌لر. سیلاولر تیزیمی اوزگر تیری‌لیشی، سیلاولر خطاسی تعریف‌له‌نیشی، نامزدلر مالی کومک‌لری چیک‌له‌نیشی و سیلاولر کمیسیون ملازم‌لری نینگ طرف‌سیز قالیشی فکر اورگه‌نیش‌ده تاکیدلنگن اساسی موضوع‌لردن بولگن.
افغانستان‌ده اوتکزیلگن جنجالی جمهور رییس‌لیک سیلاولریدن کیین، ملی بیرلیک حکومتی نینگ وجودگه کیلیش اوچون بولگن سیاسی شرط‌لریدن بیری سیلاولر مستقل کمیسیونی‌گه اصلاحات کیرتیش ایدی. حکومت نینگ اجراییه ریاستی مملکت سیلاولر کمیسیون تیزیمی‌گه اصلاحات کیریتیل‌مسدن مملکت‌ده پارلمانی سیلاولر اوتکزیش ممکن ایمس دیگن.
اما، نماینده‌لر مجلسی‌نینگ اعضاسی خانیم شکریه بارکزی باشچیلی‌گیده تشکیل ایتیلگن اصلاحات کمیسیونی اوچون هنوزگه حکومت اجراییه باشلیغی و جمهور رییس اورته سیده ایریم قرمه قرشی‌لیک‌لر موجود.
