بوگون چهارشنبه حمل آیی نینگ 12- سیده جناب‌دانش کابینه نینگ قالگن نامزد وزیرلرینی ملی مجلس‌گه تَنیشتیریش اوچون قیلگن نطق سوزیده، فرخنده قتلی‌نی کیچیریلمی‌دیگن جنایت دیب، دولت بوندن بویان بوقبل حادثه قیته یوز بیریشی‌گه رخصت بیرمس‌لیگی‌نی بیلدیرگن.
27 یاشر فرخنده، اوتگن ییل حوت آیی نینگ 28- سیده قرآن شریف‌نی اوت‌گه یاندیرگن‌لیک عیبی بیلن غضب‌لنگن بیر گروه تامانی‌دن تاش و کلتک‌له‌نیب اولدیریلگن‌دن سونگ، جسدی اوت‌گه یاندیریلیب یوباریگن ایدی.
حادثه جریانی‌دن یازیب آلینگن ویدیونینگ کورستیشیچه، واقعه ییریده بولگن پولیس کوچ‌لری مساله اوچون بی‌فرق قالیب، فقط تماشا قیلیش‌دن لذت آلگن‌لر. ملی کوچ‌لرنینگ حادثه اوچون بی‌فرق یاندشگن‌لیک‌لری اهالی‌نینگ جدی عکس‌العملی‌گه روپه‌ره بولدی.
حادثه‌دن نیچه کون اوتیشی بیلن، افغانستان ایچکی ایشلر وزیرلیگی فرخنده قتلی‌گه علاقه‌دارلیک‌که عیب‌لب 19 پولیس قول‌گه آلینگن لیگی‌دن خبر بیردی. جمهور رییس‌نینگ ایکینچی اورین باسری‌گه کوره، فرخنده قتلی اوچون بی‌فرق قالگن برچه بلند مرتبه‌لی رسمیلر بیلن قانون یوزه‌سی‌دن یانده شیله‌دی.
او شونینگ‌دیک، حکومت اهالی حقوقی‌نی حمایت قیلیشی باره‌سیده تاکیدله‌گن. افغانستان ایچکی ایشلر وزیرلیگی واقعه‌ده قولی بارلیک‌ده گمان قیلیب 27 نفر حبس‌گه آلینگن‌لیگی‌نی معلوم قیلدی. عین حالده، جمهور رییس نینگ معاونی فرخنده قتلی‌نینگ عامل‌لری محاکمه ایتیلیش‌لرینی بیلدیرگن. فرخنده‌نینگ شفقت‌سیز قتل ایتیلیشی مملکت اهالی‌سی همده مدنی جماعه‌چیلیک فعال‌لرینی قتیق اعتراض‌لری‌گه باعث بولدی.
