مملکت نینگ هیچ بیر عادی اهالی‌سی صلاحیت‌لی بیر محکمه‌نینگ حکمی‌نی جاری قیلیش صلاحیتی‌گه ایگه ایمس
افغانستان‌نینگ برچه قانون‌لری آچیق روش‌ده صلاحیت‌لی محکمه‌دن تشقری هیچ بیر کیمسه کیشی‌نی محکوم قیلیب جزا بیریش‌گه حقیگه ایگه ایمس لیگی‌نی قید قیلگن.
کابل وزیر محمداکبرخان جامع مسجدی‌نینگ امامی ملا ایازنیازی جمعه نمازی‌ده گپیرگن سوزلریده حوت آیی‌نینگ 28- کونی شاه دوشمشیره ده‌گی آدم کویدیریش‌نی توجه قیلگن. ملانیازی‌گه کوره، هر کیشی آچیق روش‌ده قرآن کریم‌نی اوتگه یاندیرسه مسلمان خلق اوشه کیشی‌نی بازار یا – ده کوچه‌ده اوتگه یاندیریش حقی ایگه. شونینگ جناب نیازی روحی کسل‌لیگی بولگن شخص هم قرآن شریف‌نی اوتگه یاندیرگه حالده، اوتگه یاندیریلیب اولدیریلیشی لازم دیگن.
ملاایاز نیازی مذکور سوزلریده بوتون‌لی حکم صادر قیلگن. او، کوچه و خیابان‌لرده عالی محکمه اورنی‌ده عدالت اجرا ایتیلیشی‌نی مدافعه قیلگن. ملا نیازی مذکور سوزلرنی کابل شهری قوشیمچه افغانستان‌نینگ بوتون ولایت‌لریده فرخنده واقعه‌سی‌ده اهالی‌نینگ وجدانی قتیق تکان ییگن بیر وقت‌ده تیل‌گه آلگن.
فرخنده شاه دوشمشیرده قرآن شریف‌نی اوتگه یاندیرگن‌لیک عیبی بیلن قربان ایتیلدی. افغانستان ایچکی ایش‌لر وزیرلیگی فرخنده قرآن مجیدنی اوتگه یاندیرگن لیگی‌گه عاید هیچ قنده‌ی حجت بولمه‌گن لیگی‌نی معلوم قیلدی. ایریم حجت‌لرده فرخنده دینی مدرسه‌لردن فراغت قولگه کیریتگن لیگی بیللی بوله‌دی. مذکور مدرسه‌نینگ معلم‌لری عاموی اخبارات واسطه‌لریده حتی فرخنده متشرع عیال بولگن لیگی‌نی تیل‌گه آلگن‌لر.
ملاایاز نیازی اجتماعی مساله‌لرگه اعتبار بیرمسدن توریب، حوت نینگ 28 –سیده اونینگ فکریچه قرآن شریف کویدیریلگن لیگی‌نی مدافعه قیلدی. ملانیازی نینگ مذکور سوزلری افغانستان و باشقه قانون‌لرگه ضد دیر. افغانستان اساسی قانونی‌گه موافق فقط صلاحیت‌لی محکمه هر قنده‌ی حکمنی صادر قیلیش صلاحیتی‌گه ایگه. افغانستان‌نینگ برچه قانون‌لری صلاحیت‌لی محکمه معین موضوع اوچون عیب‌لنگن کیشی‌نی اوستیدن حکمنی صادر قیلیش حقیگه ایگه‌لیگی باره‌سی‌ده تاکیدله‌گن.
هیچ بیر مملکت‌نینگ عادی اهالی‌سی صلاحیت‌لی بیر محکمه‌نینگ حکمی‌نی جاریش قیلیش حقی صاحب ایمس. پولیس و رسمی اداره‌لر محکمه حکمی‌نی عمل‌گه آشیره آلهدی. حقیقتن قرآن شریف اوتگه یاندیریلسه، افغانستان اساسی قانونگه موافق ییریک جرم دیر. شونینگ دیک افغانستان اساسی قانونی هندولرگه تیگیشلی مقدس باورلرگه اهانیت ایتیلیشی‌نی توسیب قویگن. هر بیر شهرنینگ خیابانیده قرآن شریف اوتگه یاندیریلیب کویدیریلگن حالده، حادثه عاملی قولگه آلینیب محکمه‌گه تارتیلیشی تاکیدلنگن.
فرخنده‌نی اوتگه یاندیرگن‌لر، افغانستان اساسی قانونی‌گه موافق اته‌ین قتل‌گه قول اورگن‌لر. فرخنده حیقیتن قرآن شریف‌نی کویدیرگن‌ده ایدی، قاتل‌لری عیب‌دن کم ایتیلمس ایدی. ملا نیازایازی کابل‌نینگ شاه دوشمشیره خیابانیده آدم کویدیریش واقعه‌سینی حمایت قیلیب، خیابانی محکمه‌نی ترغیب قیلگنی اوچون قانون‌نی آیاق آستی قیلگن.
فرخنده خانیم‌نینگ وحشیانه اولدیریلیشی خیابانی محکمه‌نی حمایت قیلیش و قانون‌دن آچیق شکلی‌ده باش تارتیش دیر.
کابل مدنی جماعه چی‌لیک فعال‌لری ملانیازی قرشی دعوا آچیش‌لری کیره‌ک. ملانیازی نینگ آدم کویدریشدن جدی حمایت قیلیشی قتیق خواطرلنرلی بیر وضعیت دیر.
خانیم فرخنده بوندن بیش کون آلدین یعنی حوت آیی نینگ 28- سیده کابل شهریده جایلشگن شاه دوشمشیره منطقه‌سی‌ده قرآن شریف‌نی اوتگه یاندیرگن‌لیک عیبی بیلن قطار آدم‌لر تامانی‌د‌‌ن وحشیانه هلاک ایتیلدی. امنیتی اداره‌لر واقعه‌ده قولی بارلیگی اوچون هنوز گچه اون بیر نفر اوشلنگن لیگی‌دن خبر بیرگن‌لر.
