نیچه پیت آلدین خانم شهلا عطانینگ رسانه‌لر آرقه‌لی سکته قیلدی دیگن خبری ترقه تیلگن ایدی، سکته قیلمه گن ایکن، بلکیم اولدیریلگن دیر.
شهلا عطا عایله اعضاسی اوتگن کون 28- حوت جنازه سینی چیقاریش پیتده بومطلب‌نی بیان قیلیب اونی ییر غاصبلری اولدیرگن دیدی.
جنازه مراسمی بولیب اوتکزیلگن محلده بو عیال کوپلب صورتلری یاپیشتیریلگن حالده کورینیشیچه، کلتکلنیب اولدیریلگن.
شهلا عطا ایناغه سی محمدصادق ایتیشیچه، جلال‌آباد ده بولرنی 1581 جریب 500 میلیون دالر لیک ارزشگه ایگه ییرلری بار، ییر غاصبلری مذکور ییرلرنی قولگه کیلتیریش اوچون سینگلی سینی اولدیرگن‌لر.
صادق سینگلی‌سی اولگن پیتده تشقی اولکه لردن بیریگه ایکن لیگی‌نی بیلدیردی.
شهلا عطا سینگلی‌سی لیلا عطا گه کوره، شهلا عطا ییر غاصبلری قرشی سیده باشقرلاوچیلیک اداره سیده شکایت قیلگن ایکن. او، شهلا باشقرلاوچیلیک داره‌لری نینگ ایکته سیدن اوستونلیک بیلن ییر دعواسینی آلیب اوتگن ایدی و نهایی محکمه قالگن حالده اونی اولدیردیلر دیب الم‌لنه‌دی.
لیلا کوپه‌یتیریشیچه، نیچه مرته سینگلی سیدن امیریکه اولکه سیده کیلیب یششی تقاضابولگن ایکن؛ اما او قبول قیلمه گن و افغانستان‌ده قالیب خلقی‌گه خدمت قیلیش‌نی ذکر ایتگن.
انه شو حالده کابل امنیه قومندانی عبدالرحمن رحیمی رسانه‌لرگه عدلی طب نتیجه سی کورستیشیچه، مذکور عیال سکته قیلیب اولگن دیدی.
اما شهلا عطا عایله سی مذکور نتیجه‌نی رد قیله دیلر و قضیه طرفی حاضرگی قدرتگه شریک بولگنلیگی سبب عدلی طب نتیجه سینی هم اوز نفع‌لریگه اوزگرتیریش کوچیگه ایگه ایکن لیگی‌نی بیان قیله‌دی.
جنازه مراسمی‌گه قتگن شگن مدنی جامعه فعال‌لریدن بیری باقی سمندرگه کوره، اونینگ جسدیدن آلینگن صورتلر حقیقت‌نی بیان قیلیب تورگن‌لیگی اوروغلنه‌دی. او، شهلانینگ اولدیرگن‌لر اویده کیرگن زمان قوریغمال‌لری و هیداوچی‌سی اویده ایمس ایکن، کورینیشچه آلدیندن برنامه یوزه سیده مذکور ایش ریجه سی آلینگن ایکن دیب کوپه یتیره‌دی.
حادثه یوزبیرگن‌دن حاضرگه قدر شهلا عطا نینگ هیداوچی سی، آشپزی و قوریغمال‌لری یوق‌لیگی توغری سیده هم گزارش بیریلگن.
شهلا عطانینگ عایله اعضاسی جمهور رییس‌دن بو توغری‌ده عدالت‌نی کوزگه توتیب قضیه عامل‌لرنی جزا بیریشینی ایسته گن‌لر. مذکور عایله قولیده بولگن حجت‌لرنی گینه جمهور رییس اختیاریگه قویلیشنی تیلگه آلدیلر.
شهلا عطا قیزیی، نوریه عطا ملی بیرلیک حکومتی نینگ جمهور رییس و اجرایی ریاست باشلیغ‌لریدن کوز یاشی‌نی آقیزیب حقیقت‌لرنی فاش ایتیش اوچون مخصوص کمیسیون ایجاد ایتیلیشی‌نی ایسته‌دی.
ملی کینگش آلدینکی عضوی و 2009- ییل جمهورلیک ریاست نامزدی شهلا عطانینگ جسدی 12- مارچ کابلده گی اویلریدن بیری‌دن تاپیلدی.
