اشرف غنی؛ بیزنینگ اقتصادی ریجه‌میز ساده‌دیر، واردات‌دن صادرات تمان اوزگریشی‌میز کیره‌ک. مونده کوچی‌میز ایته‌دی. بیزنینگ برچه کوچی‌میز، جغرافیایی اورینی‌میز، سووی‌میز، یورتی‌میز، کانلری‌میز و ایریاغی‌میز بیلن گازی‌میز دیر.
جمهور رییس غنی؛ کیله سی 20 ییلده افغانستان آلتین اورین‌نی اوزیگه آلیشی ممکن. افغانستان جغرافیایی و جیوپولوتیکی جهتی‌دن اینگ اهمیت‌لی اورین‌نی اوزیگه آلگن؛ اما مونده‌ی موقعیت‌دن اولکه نقصی‌گه ایش آلیب بارماقده‌لر، دیدی.
جمهور رییس کابینه‌نی معرفی قیلیش پیتی‌ده افغانستان 20 ولایتی و 94 تومنی(ولسوال‌لیگی) قوشنی اولکه‌لربیلن چیگره‌داش دیر، بوحساس نقطه‌لرگه قره‌گنده افغانستان کیله‌جکده یخشی موقع‌لرنی قولگه کیلتیریش توغریسیده، آدیم قوی‌ماقده دیدی. غنی جنابلری سوزلش جریانی‌ده مونده‌ی دیدی: « افغانستان‌نینگ کتته بای‌لیگی، جغرافیایی اورنی، بو جغرافیایی اورین؛ اوتمیش ایکی یوز ییل‌دن بویان بیزنی نقصان‌دار قیلگن. انشالله کیله‌جک ایگیرمه ییل آره‌سی‌ده بو جغرافیایی اورین بیزنینگ آلتین پیت‌ده ایتکیزه‌دی. افغانستان ایگیرمه ولایتی اولکه‌لربیلن چیگره‌داش، بو چیگره‌داش ولایتلر هر بیری ترانزیتی و سوداگرلیک نقطه‌لری‌گه اوزگره‌دی؛ انه شو اوچون بیزنینگ منطقه سیاست‌لری توغریسیده افغانستان اوچون ثبات کیلتیریب، تینچلیک تأمینلش دیر ». غنی جنابلری کیله‌جک 45 کونده بویوک پروژه‌لر کوریب اوتیلیشی حکومت بیرینچی ایشلری‌دن‌لیگی‌گه تاکید قیلدی و اگر بوپروژه‌لر ملی بیرگه لیک حکومتی‌گه یاقتیرمَسه، اونده تاخته‌تیشیمیز ممکن، دیدی.
دیمک؛ جمهور رییس بوتون افغانستاننی اورته‌لیک یوکسه‌لیشی‌نی انچه مهم توصیفلیدی. ینه اولکه 10 ته قشاق ولایتی، حکومت بیرینچی ایشی‌ده قرار آلینگن و بو ولایتلرده کوپراق امکانات کوزگه توتیلگنی‌دن خبر بیره‌دی. غنی جنابلری قرضه آلیش اولکه اقتصادی قیین‌چیلیک‌لرینی حل قیلیش یولی ایمس، بلکیم ایش‌تاپیش و زیربنایی پروژه‌لر اوستیریلیشی اوچون قرضه آلینه‌دی دیدی.
ایچکی پروژه‌لر تکمیل بولیشی‌نی هم جمهور رییس مهم بیله‌دی و بو پروژه‌لر باید تکمیل بولسه و وزیرلر بو پروژه‌لر نینگ تطبیق بیریلگنیدن توگل شکلیده گزارش بیرسین دیدی.
افغانستان اقتصادی نینگ اساسی قیینچی‌لیگی قه‌ییرده؟
جمهور رییس غنی افغانستان اقتصادی نینگ اساسی قیینچی‌لیگی بو اولکه صادراتی‌دن کوره وارداتی نرسه لری نینگ 30 فایزدن یوقاری بولگن‌لیگی سبب، بو سان باعث بولگن تا اولکه اقتصادی بولیمی باشقه لرگه دایمی شکلیده باغله‌نیب قالیشسه دیدی. جمهور رییس:« بیزنینگ اقتصادی ریجه‌میز ساده دیر، واردات‌دن صادرات تمان اوزگریشی‌میز کیره‌ک. مونده کوچی‌میز ایته‌دی. بیزنینگ برچه کوچی‌میز، جغرافیایی اورینی‌میز، سووی‌میز، یورتی‌میز، کانلری‌میز و ایریاغی بیلن گازی‌میز ». دیب کوپه‌یتیردی.
جمهور رییس غنی تولید کوپه‌یشی بیلن دولت اوز تولیدیدن آلیش کوچی ایته‌دی دیب کوپه یتیره‌دی. غنی جنابلری خلقگه وزارتلر کیره‌کلی نرسه لرینی اوز وطنی تولیدلری‌دن آلیب استفاده قیله دیلر و ایریم افغانی خصوصی شرکت اجاد ایتیلیشی بیلن موثر آدیملر کوتره‌دی دیب وعده بیردی. اوتگن 13 ایچیده‌گی دولتی و ملکی غصب بولگن زمینلر اساسی قیین‌چیلیک‌لردن ایدی، بو قیین‌چیلیک بیلن هم دولت و هم خلق یوزمه یوز ایدیلر؛ اما کیله‌سی بیش ییلده خلق نینگ غصب بولگن ییرلری قیتیب آلینه‌دی و بوسوزیمنی یقین‌گه ایتکیزیش اوچون خلقگه ایشانچ بیره من دیدی.
انه شو حالده افغان یشاوچیلری اوچون خدمت آچقیسی و افغانستاننی ترقیات تمان ایلتیش ریجه‌لری حکومت اجرایی قوه‌سیده‌گی ایش بیلرمان کیشیلر قولیده بوله دی. جمهور رییس هم کابینه سینی معرفی قیلدی و بولردن کوپینچه‌سی ملی کینگاشدن ایشانچ آوازینی قولگه کیلتیره آلمه گنلیگی بیلن، ینه بیرتماندن ملی کینگاش قیش تعطیلاتی کیلیب کابینه قالگن اعضاسی کیله‌سی ایکی آی‌گچه سرپرست لیک حالتیگه قالیشی ممکن.میلادی 2014- ییل باشلنیشی بیلن افغانستان سیاسی، اقتصادی و اجتماعی بولیملری فقط گینه مصرف قیلردی وعاید بولاقلری کومیلگن ایدی. ایندی کابینه قالگن اعضالری تعین ایتیلگینچه سرپرستلیک حالتی افغان یشاوچیلری وضعیتیگه نیمه تأثیر تشلیدی؟ زمان کیره‌ک.
