.jpg)
په افغانستان کې د ترکیې مرستندویه ادارې یا ټیکا د تحفة القادریة کتاب مخکتنې سربېره دغه اثر د اطلاعاتو او کلتور وزارت ته وسپارلو.
د مخکتنې په غونډه کې د ټیکا رییس سلیمان شاهین وویل، تحفة القادریة د پښتو ژبې یو لرغونی اثر دی او د سنان ایلخان په زیار د "ډبلین چسټر بیټي" په کتابتون کې موندل شوی دی.
سلیمان شاهین وايي، دا توصوفي ارزښتمن کتاب د کوردي ژبي لیکل شوي اثر په توګه په اروپا کې ساتل کېدلو؛ کله چې سنان ایلخان "ډبلین چسټر بیټي" کتابتون کې د عثمانیانو زمانې د سلام په اړه په کردي ژبې لیکل شوي اثارو پلټنه کوله، دغه کتاب په لاس ورغی و.
دی وايي، دغه د کوردي ژبي لیکل شوي اثر په توګه په اروپا کې ساتل کېدلو.
.jpg)
د اطلاعاتو او کلتور سرپرسټ وزیر کمال سادات تحفة القادریة لویه سرمایه وګڼله او په دې برخه کې یې د ترکیې له هېواده مننه وکړه.
نوموړي وویل، د دې کتاب په چاپ شمېر کې زیاتوالی راشي او زیاته یې کړه، چې نوییمې لسیزې کې د افغانستان معنوي شتمنۍ زیاته برخه تلان شوې او د بېرته راټولو په برخه کې له هېوادونو د مرستې غوښتنه وکړه.
دغه راز غونډې ته استاد لعل پاچا ازمون د ولسمشر پیغام ولوست. په پيغام کې له دوست هېواد ترکیې په مننې ویل شوي و، چې تل یې افغانانو سره بېلابېلو برخو کې مرستې کړي دي.
د پښتو ژبې لیکوالې او ژورنالیستې صفیه حلیم وویل، دا عرفاني اثر د احمد شاه ابدالي په زمانه کې د صوفي شاعر ابن منیر په قلم ۷۲۲ مخونو کې لیکل شوی او د دې کتاب موندل او بېرته سپارل یې د کلتوري او علمی شتنمۍ په برخه کې لاس ته راوړنه وبلله.
.jpg)
دغه راز د کابل د وزیر محمد اکبر خان جومات خطیب ډاکټر ایاز نیازي غونډې ته وویل، تصوف باید له خرافاتو خلاص کړو او زیاته یې کړه، تحفة القادریة د پښتو له ژور ګرامره هم برخمن دی.
د پښتو ژبې دغه لروغونی ارزښتمن قلمي اثر په ۱۷ میلادي پېړۍ کې پښتو صوفي ابن منیر لیکلی دی.
تحفة القادریة د قادریه طریقي ستاینه، د شیخ عبدالقادر جیلاني مناقب په روان شعري وزن بیانوي. دغه کتاب د ترکیې هېواد پراختیايي ادارې یا ټیکا په مرسته په ۱۳۹۵ هـ ش کال کې چاپ شو.
