.jpg)
وسله والو کسانو په کندوز ولایت کې د هندوانو شورا رییس نرمون سینګ، چې په دلسوز لالا مشهور و، وژلی دی.
د کندوز له دویم ځل سقوط وروسته په دې ولایت کې مېشت هندوان چې ټولټال ۳۰ کورنۍ وې کډه شول او یوازې د هندوانو شورا رییس له دوو نورو هندوانو او سېکانو سره پاتې شول.
د کندوز ولایت د پولیسو امنیې قوماندانۍ ویاند محفوظ الله اکبري ووايي، چې د هندوانو شور رییس نن ګهیځ کار ځای ته پر لار وژل شوی دی.
د اکبري پر خبره، د پېښې عاملینو نیولو له پاره د پولیسو هڅې روانې دي.
د نرمون سینګ ماما برید سینګ سلام وطندار ته وویل، چې دوی له افغانستانه ځي او هېڅکله به بېرته راونه ګرځي.
د کندوز مېشتو هندوانو د شورا رییس ۴۰ کلن نرمون سینګ به ټولې شپې د هندوانو په عبادت خونه کې تېرولې او د ورځې له خوا به د یوناني دواګانو هټۍ ته تللو.
پر نرمون سینګ څلور کاله مخکې هم یو مرګونی برید شوی و.
