عیاللرگه قرشی کورهش مخصوص باشقرهلاوچی مسووللری، 1395- ییل باشلنگندن بیری مملکت بویلب خاتین – قیزلرگه قرشی صادر بولگن 3702 دوسیه رویخطگه آلینگن لیگی نی بیلدیرگنلر.
اوشبو اداره نینگ باشلیغی پروین رحیمی « خاتین – قیزلرگه قرشی زوروانلیک آشیشی و باشقرهلاوچیلیک بو قتلمدن حمایت قیلیش وعدهسی» نامی آستیده اوتکزیلگن ییغینده چیقیش قیلیب، یوقاریدهگی حساباتدن 926 دوسیه مخصوص باشقرهلاوچلیک آرقهلی رویخطگه آلینگن دیدی. خانم رحیمیگه کوره، بولردن 512تهسی کلتکلش، 166 آزار و اذیت، 30 قتل و 11 مورد جنسی تجاوزدن عبارت بولگن.
«خاتینلرگه قرشی زوروانلیکنی منع ایتیش خلق ارا کونیده» چیقیش قیلیب سوزلهگن جمهور رییس محمد اشرفغنی عیاللرگه قرشی زوروانلیک پدیدهسی هنوز ادارهلرده موجودلیگینی تیلگه آلگن. بو مساله ایسه دولت ادارهلریده خاتین – قیزلردن عبارت ملازملر کمهیشیگه باعث بولگن دیدی غنی.
عین حالده، ملی بیرلیک حکومتی اجراییه ریاستی نینگ باشلیغی عبدالله عبدالله، حاضرگی کونده عیاللرنینگ وضعیتی چیدهب بولمیدیگن بیر احوالده لیگینی اعتراف قیلگن. خاتینلرگه قرشی صادر بولگن دوسیهلر جدی روشده تیکشیریلیشی اوچون وعده بیرگن جناب عبدالله عبدالله.
ملی بیرلیک حکومتی نینگ باشلیغلری مدنی ادارهلر، دین عالملری و ییتکرمهلردن خاتین – قیزلرگه قرشی زوروانلیک آلدی آلینیشی اوچون همکارلیک قیلیشلرینی سورهگن.
