آمریکا مدافعه وزیرلیگی تامانیدن مذکور مملکت کنگره‌سیده بیان قیلینگن خوفسیزلیک گزارش‌گه کوره، جاری میلادی ییل نینگ بیرینچی 5 آیی ده 3163 تینچ اهالی اوروش نتیجه‌سیده هلاک ایتیلیب و یره‌لنگن. گزارش‌گه کوره، بو جمله‌دن 950 تینچ اهالی هلاک ایتیلیب و باشقه 2213 تینچ اهالی یره‌لنگن.
افغانستان مدافعه وزیرلیگی سوزلاوچیسی فواد امان نینگ سلاموطندارگه ایتیشیچه، تینچ اهالی تلفاتی‌گه توسیق بولیش اوچون افغانستان‌لیک امنیتی کوچلر سعی و حرکت قیله‌دی.
جناب امان‌گه کوره، دولت گه قرشی قوراللی گروه‌لر، اوروش جریانیده تینچ اهالیدن انسانی سپر عنوانیده قولنه‌دی.
پنتاگون گزارشی‌گه کوره، دولت‌گه قرشی قوراللی گروه‌لرنینگ هجوم‌لری نتیجه‌سیده، 778 تینچ هالی هلاک ایتیلیب و باشقه 1971 کیشی یره‌لنگن دیر.
عین‌حالده، طالبان گروهی بیر خبرنامه آرقه‌لی بو ادعالرنی رد قیلگن. مذکور خبرنامه‌گه کوره، دوحه تینچلیک سوزلشوولریده تینچ هالی تلفاتی‌گه توسیق ایتیلیشی خصوصیده قرار قیلینگن.
سونگی ییللرده امنیتی کوچلر تامانیدن اویوشتیرگن هوایی و ییر عملیاتی نیتجه‌سیده تینچ هالی تلفاتی کوپه‌یگنی افغانستان حکومتی تامانیدن تصدیق‌لنگن دیر.
