400بسترلیک حربی شفاخانه‌ده هجوم اویوشتیریلگن لیگی باره‌سیده جواب بیریش مقصدیده سنا مجلسی ایچکی ایشلر، مدافعه و ملی امنیت اداره‌سی رسمیلرینی چقیرگن ایدی.
ییغین‌ده سوزله‌گن افغانستان ملی مدافعه وزیری جنرال عبدالله حبیبی نینگ ایتیشیچه، 400 بسترلیک شفاخانه‌ده صادر بولگن حادثه عامللرینی تیکشیریش جریانی دوام ایتماقده. او، جمهور رییس غنی نینگ حکمی اساسیده واقعه نینگ عامللری دارگه تارتیله‌دی دیگن.
مدافعه وزیرلیگی، موضوع بوتونله‌ی اورگه نیلگندن کیین هیات نینگ قولگه کیریتگن معلوماتی اهالی بیلن شریک قیلینه‌دی دیگن.
سنا مجلسی‌ده سوزله‌گن ایچکی ایشلر وزیری تاج محمد جاهد، جاری ییل اوتگن ییل کبی امنیتی قیین چیلیک کوپ بولیشی ممکن دیگن. لیکن، او جنگریلری هجومی آلدی آلینیشی اوچون اهالی‌گه ایشانچ بیره‌میزدیگن.
ملی خوفسیزلیک باشقرمه‌سی نینگ رییسی محمد معصوم استانکزی، دولت قوراللی مخالفلری پلانلرینی نابود قیلیش اوچون افغان ملی کوچلرینی امکانیتی ییترلی ایمس لیگینی تیلگه آلیب، اما ملی کوچلر جنگریلرنینگ هر قنده‌ی برنامه‌سینی نابود قیلیش کوچی‌گه ایگه‌لر دیگن.
جناب استانکزی، اوتگن ایکی آی آقیمیده ملی خوفسیزلیک کوچلری 317 عملیاتنی اوتکزگنلر دیگن. بونینگ نتیجه‌سیده دولت قوراللی مخالفلری‌نینگ بیر مینگدن آرتیق اعضاسی قولگه آلینگن. شونینگدیک 74 ترورچیلیک هجومنی آلدی آلینگن. عین حالده، جناب استانکزی، قندهار و کابل نینگ 400 بسترلیک شفاخانه‌سیده عملگه آشیریلگن حادثه نینگ دوسیه‌سی درست شکلده تیکشیریلماقده دیگن.
نماینده‌لر مجلسی نینگ قراری اساسیده، مملکت امنیتی همده مدافعه‌وی مسووللری سه‌شنبه کونی پارلمان‌گه چقیرتیریله‌دی. رسمیلر، مجلس اعضالرینی قانیقتیره آلمه‌گن تقدیرده، صلاحیت‌دن آلینیشی ممکن.
