طبیعی حادثه‌لرگه قرشی کوره‌ش وزیرلیگی نینگ معلوماتی اساسیده اوروش همده طبیعی واقعه‌لر نتیجه‌سیده 163371خانه‌دان یشش اوی جایلریدن آواره بولگن لیکلری قید ایتیلگن. بولرنینگ بیر قسمیگه انسان پرورلیک یاردم کومک بولگن؛ لیکن، 25 خانه‌دان ایسه هنوز هم انسان‌پرورلیک یاردم کوته‌دی.
دولت نینگ طبیعی حادثه‌لرگه قرشی کوره‌ش وزیری ویس احمد برمک بوگون (یکشنبه) کابل‌ده اوتکزگن خبری انجمنده، حکومت شاشیلینچ حالتلر اوچون 1 میلیارد افغانینی نظرده توتگن دیگن. ایتیلیشیچه، 122 میلیون افغانی ایسه اوشبو فصلده احتیاجمند خانه‌دانلرگه ترقه تیلیشی انباتگه آلینگن.
افغانستان قاچقینلر ایشلری بوییچه وزیرلیک نینگ اورین باسری فضل احمدعظیمی نینگ سوزلریگه کوره، بو وزیرلیک تشقی وایچکی یاردم کورستووی خلق ارا تشکیلاتلر همکارلیگی بیلن آواره بولگنلرگه ییلگولیک آزیق آوقت ترقتگنلر. لیکن، هنوز هم 210000 چیت دولتلردن قیتگن عیاله‌لرنینگ کومککه احتیاجی بار دیگن.
قوشنی ولایتلردن کیلگن یوزلب خانه‌دان کابل‌ده آواره بولیب یورگن بیر پیتده افغانستان حکومتی یشش اوی جایلریدن آواره بولگن عایله‌لرگه یاردم ییتکزیب بیریش دستورینی اعلان قیلیماقده.
