بوگون "دوشنبه" جمهورلیک ریاستی خصوصیده عیاللرگه معلومات بیریش اوچون یولگه قوییلگن ییغینده، ملی بیرلیک حکومتی نینگ اجرایی باشلیغی و جمهورلیک ریاستی نامزدلریدن بیری عبدالله عبدالله نینگ ایتیشیچه، 2014- ییل جمهورلیک ریاستی سیلاوی فاجیه‌سی تکرارلنیشی جبران ایتیلمه‌یدی.
جناب عبدالله، عیال‌لر وزیرلیگی و عیاللرگه تیگیشلی بولگن اداره‌لرنینگ سیلاو خصوصیده معلومات بیریش اوچون بولگن اورنی‌نی اونملی عنوان قیله‌دی، بیراق بو سهم بیللی نامزدن حمایت قیلیش مفهومیگه ایمس ایدی.
عین‌حالده، سیلاولر ایرکین کمیسیونی باشلیغی حوا علم نورستانی نینگ سیلاو لایحه‌سیده عیال‌لر اورنی خصوصیده تاکید قیلیب ایتیشیچه، جمهورلیک ریاستی سیلاویده عیاللرنینگ کینگ شکلده اشتراک قیلیشی سیلاو تینیق‌لیگینی تضمین قیله‌دی.
جمهورلیک ریاستی سیلاوی‌نی جاری ییل 6 میزانده یولگه قوییلیشی ممکن. بو سیلاوده 18 کیشی اوزلرینی نامزد قیلگن.
ایتیش‌کیره‌ک‌که، افغانستان ایرکین سیلاویدن حمایت قیلیووچی نهاد یا-ده تیفا نیچه پیت آلدین بیر خبرنامه آرقه‌لی، جمهورلیک ریاستی سیلاویده اشتراک قیلیش اوچون عیاللرگه معلومات بیریلیشی‌نی سوره‌گن ایدی.
