غور ولایتیده متخصص داکترلر بولمهگن لیگیدن شکایت قیلگن اوشبو ولایت نینگ ولایتی کینگش اعضالری، عیال متخصص و قابله بولمهگن لیگی ساغلیق خذمتلر بولیمده عیاللرنی چیکلب قویگن دیگنلر. اولر حاضرگی وقتده ولایت بویلب فقط بیر مختصص عیال داکتر فعالیت قیله‌دی دیگنلر.
غور ولایت کینگشی نینگ اعضاسی انیسه غیور‌نینگ سلام‌وطندار ترماغیگه ایتیشیچه، ولایتده عیال متخصص داکترلر بولمه‌گنلیگی اوچون بیرینچی عامل خاتین – قیزلر تحصیلی اوچون ایریم چیکلاولر بارلیگیدن کیلیب چیقه‌دی.
وضعیتدن خواطر بیلدیرگن خانم غیور، بعضی بیر کسللیکلر همده قابله‌لیک ساحه‌سیده تحصیل کورگن بیرقنچا عیالری ولایت بویلب خاتین – قیزلر معماسینی برطرف قیلیش اوچون ییترلی ایمس دیگن.
غور ولایتی نینگ کینگش اعضاسی، اوتگن ییللرگه قره گنده آنه و باله اولیم میزانی کمیگن لیگیگه قره‌می، هنوز هم ولایت نینگ اوزاق حدودلریده عیاللر متخصص داکترلر یوق لیشیگدن شکایتلر.
شونینگدیک غور ولایتی نینگ یشاووچیلری، معمالری حل ایتیلیشی اوچون مرکزی حکومت اعتبار قرتمه‌گن حالده، بوندن کوره‌قیین یامان قیینچیلیککه قالیشلری حقیده آگاهلنتیرگن.
ولایت نینگ مرکزی شفاخانه‌سیده هم عیال متخصصلر بولمهگن لیگینی تصدیق ایتگن غور ساغلیقنی سقلش اداره‌سی‌نینگ باشلیغی داکتر غلام نبی یگانه، عیال متخصص داکترلرنینگ یوقلیگی سبب ایریم پیتلر جمله‌دن خاتینلر باله دنیاگه کیلتیره دیگن پیتده صحی خذمتلردن بحره‌سیز قادیلر دیگن.
حاضرگی کونده ولایت بویلب چمه‌سی 70 صحی مرکز فعالیت قیله‌دی؛ اما، بو شفاخانه‌لرده نرسلر آرقه‌لی خذمت کورسه تیله‌دی. ولایتده ملکه‌لی شفاکارلر بولمهگن لیگی غور خلقی نی تورلی تشویشلریگه باعث بولگن.
