بوگون «چهارشنبه» کابل‌ده نادولت مؤسسه‌لر حساب بیریش خصوصیده یولگه قوییلگن ییغینده اقتصاد وزیری مصطفی مستورنینگ ایتیشیچه، 1396- ییل‌ده رویخط‌گه آلینگن 2399 نادولت مؤسسه دن 2122 ته‌سی ایچکی مؤسسه و باشقه 277 ته‌سی چیت‌ایللیک مؤسسه بولگن.
اقتصاد وزیری‌نینگ کوپه‌یتیریشیچه، 1396- ییل‌ده 553 نادولت مؤسسه ایش‌لری توغریسیده گزارش بیرمه‌گن‌لری سبب لغو ایتیلگن، چونکه هر بیر نادولت مؤسسه ایکی ییل‌ده قیلگن ایش‌لری توغریسیده گزارش بیرمه‌گن صورتده، لغو ایتیله‌دی.
جناب مستورگه کوره، چیت‌ایللیک مؤسسه‌لردن یالغیز 88% و ایچکی مؤسسه‌لردن 58% ایش‌لری توغریسیده بولگن گزارش‌لرینی ارایه ایتیش گه مؤفق بولگن.
عین حالده، افغانستان بوییچه آغاخان قوریلمه‌سینی ایلچیسی نور جهان ماوانی‌نینگ ایتیشیچه، دولتی و نادولت مؤسسه‌لر بیر-بیراوی‌نی یکونلنتیره‌دی.
شو یوزه‌دن خانم ماوانی گه کوره، دولتی مؤسسه‌لر نادولت مؤسسه‌لریگه رقیب کوزی بیلن قره‌مه‌سی کیره‌ک. اولرگه رخصت بیریلگن صورتده، افغانستان دایمی شکلده رواجلنیشی خصوصیده، فعال شکلده رول اوینه‌یدی.
اقتصاد وزیرلیگی مسؤوللری‌نینگ ایتیشیچه، 1396- ییل‌ده نادولت مؤسسه‌لری 884 میلیون دالر خرچ قیلگن و بو مبلغ دن 591 میلیون دالری چیت‌ایللیک مؤسسه‌لری تامانیدن و باشقه 293 میلیون دالری ایچکی مؤسسه‌لر تامانیدن خرچ ایتیلگن.
اوشبو مؤسسه‌لر 1396- ییل‌ده 84 مینگ کیشی‌نی ایش بیلن تأمین قیلگن و بو جمله‌دن 60 مینگ ته‌سی‌نی ایرکک‌لر و باشقه 24 مینگ ته‌سی‌نی عیاللر تشکیل بیره‌دی.
