افغانستان ساغلیقنی سقلش وزیرلیگی‌نینگ ایتیشیچه، قویاش 1396- ییل‌ده مرکزی قان بانکی‌ده 179 مینگ و 813 کیسه قان توپلنگن. بوتون بولگن هر بیر قان کیسه‌سیده چمه‌سی 500 میلی لیتر قان و 70 میلی لیتر لخته‌گه قرشی ماده موجود دیر.
ساغلیقنی سقلش وزیرلیگی‌نینگ برنامه و لایحه اورین باسری احمدجان نعیم نینگ ایتیشیچه، جسمی و روحی نقطه نظردن سالم بولیب و آغیرلیک‌لری 50 کیلوگرام دن یوقاری و یاشلری 18 دن قویی و 60 دن یوقاری بولمسه قان بیره آله‌دی.
نیچه ییل‌دن بویان قان بیریب کیلگن باشکینت یشاوچیلریدن ایکی کیشی همت و محمدرفیع نینگ ایتیشیچه، قان ساوغه قیلیش حیات ساوغه قیلیش دیر و هر بیر قطره قان بیلن بیر کیشی‌نینگ جانی‌نی قوتقریب بوله‌دی.
ساغلیقنی سقلش وزیرلیگی مسؤوللریگه کوره، قان حجره‌لرینی یاشی اوچ آی بوله‌دی و اوچ آیدن سونگ، قان حجره‌لری قیته تیکلنه‌دی.
قان بانکی‌ده توپلنگن قان، بویلیک عیاللر، ترافیک حادثه‌لریده یره‌لنگن‌لر و سرطان کسل‌لیگی‌گه چالینگن کیشی‌لرگه ترقه‌تیله‌دی.
