جوزجان یشش محیطی‌نینگ عمومی پلان مدیری جاوید دوستی‌نینگ ایتیشیچه، 10 مینگ‌دن آرتیق جل آت‌لی چومچوق قاچاقی‌نینگ آلدی آلیندی.
اونینگ ایتیشیچه، قاچاقچی‌لر مذکور چومچوق‌نی بیرینچی‌دن کابل و اوندن سونگ پاکستان‌گه انتقال بیریش قراری‌نی قیلگن ایکنلر.
جوزجان یشاوچی‌لریدن بیرقطاری‌نینگ سلام‌وطندارگه ایتیشیچه، مسوول نهادلرنینگ دقت سیزلیگی سبب، کم‌یاب چومچوق‌لرنینگ چیت‌ایللیک مملکت‌لرگه قاچاق ایتیلیشی کوپه‌یگن.
اولرنینگ ایتیشیچه، حاضرده باز، باشه، مینا، بودنه و جل چومچوق و قوش‌لری‌نینگ نسلی نابود بولماقده؛ چونکه اوشبو چومچوق و قوش‌لر کوپ شکار ایتیله‌دی.
جوزجان یشاوچی‌لری، حکومت‌دن مذکور چومچوق‌لرنینگ آو و قاچاق ایتیلیشی‌گه توسیق بولیشی‌نی سوره‌یدیلر.
بوندن آلدین هم مملکت قطار ولایت‌لریده قوش‌لرنینگ عرب‌لر تامانیدن آو ایتیلیشی خصوصیده گزارش‌لر ترقه‌لگن ایدی.
