سلام‌وطندار نینگ قولیگه توشگن معلومات‌لرگه کوره، ۹ ولایت نینگ وکیل‌لری تعطیلات زمانی‌ده ولایت‌لریگه بارمه‌گن و شونینگدیک باشقه ۶ ولایت وکیل‌لری ولایت‌لریگه بارگن، بیراق اهالی بیلن اوچره‌شمه‌گن.
ولایت‌لرنینگ محلی منبع‌لری، مسئوللر و رسمی‌لردن توپلنگن معلوماتلر اساسیده، نماینده‌لر کینگشی نینگ ۲۴۹ اعضاسیدن فاریاب، غزنی، زابل، کندز، بغلان، سمنگان، دایکندی، نورستان و غور ولایتی نینگ ملت وکیل‌لری تعطیلات زمانی‌ده اوز ولایت‌لریگه بارمه‌گن. اولرگه کوره، نماینده‌لردن قطاری کینگش گه یول تاپگنیدن کیین حاضرگچه اهالیسی بیلن اوچره‌شمه‌گن.
وکیل‌لریدن کوپینچه شکایتی بولگن فاریاب اهالیسی نینگ ایتیش‌لریچه، نماینده‌لر کینگش سیلاولری یولگه قوییلگنیدن کیین، حاضرگچه بو ولایت نینگ ۹ وکیلی‌دن هیچ بیری بو ولایت گه کیلمه‌گن.
فاریاب دن کیین غزنی اهالیسی نماینده‌لریدن شکایت قیلیشگن. بو ولایت اهالیسی گه کوره، تعطیلات دن بیری حاضرگچه بو ولایت نینگ ۱۱ وکیلی دن هیچ بیری اهالی بیلن اوچره‌ش و قیینچلیگی نی حل ایتیش اوچون بو ولایت گه کیلمه‌گن. اهالی نینگ ایشانچی گه کوره، ناتینچلیک و شونگه اوخشش مینگ‌لرچه قیینچیلیک‌لری بار، بیراق نماینده‌لری بولردن خبرسیز دیر.
شونینگدیک غور اهالیسی تعطیلات زمانی‌ده نماینده‌لری ولایت‌لریگه باش اورمه‌گنیدن شکایت قیلیشگن. بو ولایت اهالیسی نماینده‌لر کینگشی گه ۶ وکیل یوبارگن، بیراق اولر تعطیلات زمانی‌ده کابل ده عایله اعضالری بیلن حیات کیچیرماقده.
غور ولایتی یانیده زابل اهالیسی هم نماینده‌لری نینگ توجهسیزلیگیدن خواطر بیلدیریب و ایتیش‌لریچه، نماینده‌لر کینگشی گه ۳ نماینده یوبارگنلر، بیراق اولردن هیچ بیری تعطیلات ده ولایت‌لریگه کیلمه‌گن.
قندوز هم شونگه اوخشش ولایت‌لردن بیری دیر. نماینده‌لر کینگشی ده بو ولایت نینگ ۹ نماینده‌سی بار، بیراق بو ولایت یشاوچی‌لری نینگ ایتیش‌لریچه، نماینده‌لری نینگ توجه‌سیزلیگی باعث بو ولایتده ناتینچلیک میزانی کوپه‌یگن.
قندوز حاکمی سوزلاوچیسی عصمت‌الله مرادی، تعطیلات زمانی‌ده بو ولایت نماینده‌لری نینگ حضوری و حضورسیزلیگی توغریسیده هیچ بیر نیرسه دیمه‌یدی، بیراق اونگه کوره، تعطیلات دن آلدین ایکی وکیل و بیر سناتور اهالی نینگ قیینچیلیگی نی حل ایتیش اوچون بو ولایت محلی رسمی‌لری بیلن اوچره‌شگن ایدی.
قندوز گه علاوه دایکندی، بغلان، سمنگان و نورستان ولایتی یشاوچی‌لری تعطیلات زمانی‌ده نماینده‌لری نینگ حضورسیزلیک‌لری توغریسیده شکایت قیلیشگن. نورستان ولایتی کینگش باشلیغی سعدالله پاینده‌زوی نینگ سلام‌وطندارگه ایتیشیچه، حاضرگچه بو ولایت نماینده‌لریدن هیچ بیری اوشبو ولایت گه سفر قیلمه‌گن و اولر پایتخت گه حیات کیچیرماقده.
سلام‌وطندارنینگ گزارشی گه کوره، هلمند، هرات، کندهار، ارزگان، تخار و جوزجان ملت وکیل‌لری اوز ولایت‌لریگه سفر قیلگن، بیراق حاضر تعطیلات یکونلنماقده و اولر اهالی و محلی رسمیلر بیلن صحبت اوتکزمه‌گن.
هلمند ولایتیدن قطار منبع‌لرنینگ ایتیش‌لریچه، بو ولایت نینگ ۸ نماینده‌سی بار، بیراق مذکور نماینده‌لر تعطیلات زمانی‌ده کابل یا-ده مملکتدن تشقی سفر قیلگن.
نماینده‌لر کینگشی ده هرات نینگ ۱۷ وکیلی بار. بیراق اهالی نینگ ایشانچی گه کوره، بو ولایت نینگ قطار وکیل‌لری کابل و باشقه بیر قطاری ایسه مملکتدن تشقی سفر قیلگن.
شونینگدیک قندهار ولایتی نینگ ۱۱ نماینده‌سی بار. بو ولایت یشاوچی‌لری نینگ ایتیش‌لریچه، تعطیلات زمانی‌ده بو ولایت نماینده‌لریدن قطاری اوشبو ولایتده سفر قیله‌دی، اما اهالی بیلن اوچره‌شمه‌یدی.
ارزگان نینگ نماینده‌لر کینگشی ده یالغیز ۳ نماینده‌سی بار. بو ولایت اهالیسی نماینده‌لری نینگ توجهسیزلیگیدن شکایت قیلیب ایتیش‌لریچه، ولایت مرکزیدن باشقه برچه تومنلر طالبان نظارتی گه دیر، بیراق نماینده‌لرنینگ اهالی نینگ قیینچیلیگی نی قولاققه سالیش اوچون هم وقتی یوق.
عین حالده نماینده‌لر کینگشی ده تخار نینگ ۹ و جوزجان نینگ ۵ وکیلی بار. مذکور ولایت یشاوچی‌لری نماینده‌لریدن شکایت قیلیب ایتیش‌لریچه، وکیل‌لردن قطاری تعطیلات زمانی ده ولایت‌لریگه قیته‌دیلر، بیراق اهالی و محلی رسمیلر بیلن اوچره‌شمه‌یدی.
سلام‌وطندار نینگ گزارشی گه کوره، تعطیلات زمانی بلخ، بدخشان، بامیان، لغمان، کنر، ننگرهار، لوگر، سرپل، پکتیا، پکتیکا و خوست ولایت‌لری نماینده‌لریدن یالغیز بیر یا ایکی ته‌سی ولایت مرکزی یا تومن‌لرده باریب اهالی بیلن اوچره‌شگن.
بلخ ولایتیدن قطار منبع‌لرنینگ ایتیش‌لریچه، بلخ ولایتی نینگ ۱۱ نماینده‌سیدن یالغیز ۳ نماینده‌سی تعیلات زمانی ده بو ولایتده کیلگن، بیراق اهالی بیلن هیچ اوچره‌شمه‌گن. منبع گه کوره، یالغیز رئیس عبدالخالق تعطیلاتی وقتی ده بو ولایتده کیلیب و شونینگدیک اهالی بیلن هم اوچره‌شگن، بیراق باشقه نماینده‌لر حاضرگچه اهالی بیلن اوچره‌شمه‌گن.
شونینگدیک نماینده‌لر کینگشی ده بدخشان نینگ ۹ نماینده‌سی بار. بیراق بو ولایتدن قطار منبع‌لرنینگ ایتیش‌لریچه، مذکور نماینده‌لردن یالغیر بیرته‌سی بو ولایتده کیلیب اهالی بیلن اوچره‌شگن.
بامیان ولایتی نینگ ۴ وکیلی بار، بیراق بو ولایت اهالیسی تعطیلات زمانی‌ده قیینچیلیک‌لرینی حل ایتیش اوچون مذکور نماینده‌لرنی بو ولایتده چقیرگن.
بیلیم یورت اوقیتوچیسی محمد دانش‌یار نینگ ایتیشیچه، تینچلیک مطالعات نهادی نینگ همکارلیگی بیلن نماینده‌لری نی بو ولایتده چقیریش خصوصیده سعی و حرکت قیلگنلر، بیراق شونده‌ی بیر حالده اوشبو نماینده‌لردن ایکی ته‌سی کیلگن و باشقه ایکی ته‌سی کیلمه‌گن.
عین حالده، نماینده‌لر کینگشی ده کنر ولایتی نینگ هم ۴ نماینده‌سی بار، بیراق تعطیلات وقتی گه بو نماینده‌لردن یالغیر ایکی ته‌سی ولایت‌لریگه سفر قیلگن. شونینگدیک لغمان ولایتی نینگ هم ۴ وکیلی بار، بیراق تعطیلات زمانی ده ولایت مرکزیده قالگن و حاضرگچه بو ولایت نینگ هیچ بیر تومنیده سفر قیلمه‌گن.
لوگر ولایتی نینگ هم ۴ نماینده‌سی بار، بیراق بو ولایت اهالیسی باشقه ولایتلر گه قرشی ایتیش‌لریچه، نماینده‌لری تعطیلاتی زمانی ده ولایت‌لریگه قیتگن و اهالی نینگ یانیده تورگن.
عین حالده، ننگرهار ولایتی نینگ ۱۴ وکیلی بار. بو ولایت اهالیسی نینگ ایتیش‌لریچه، نماینده‌لریدن قطاری آواز قولگه کیلتیریب و وکیل صفتیده تنلنگن‌لریدن کیین بو ولایت گه هیچ باش اورمه‌گن.
شونینگدیک خوست ولایتی نینگ ۵ نماینده‌سی بار، بیراق بولردن یالغیز ایکی ته‌سی تعطیلات زمانی ده اهالی بیلن اوچره‌شگن. خوست پولیس قومندانلیگی سوزلاوچیسی عادل حیدری نینگ ایتیشیچه، تعطیلات وقتی ده یالغیز هلمند هلمند و موسا خاورین اهالی بیلن اوچره‌شگن.
خوست ولایتی گه علاوه پروان، پنجشیر، کاپیسا، پکتیا و پکتیکا ولایتی یشاوچی‌لری هم نماینده‌لری نینگ حرکت‌لردین شکایت قیلیشگن. اولرگه کوره، بو ولایت نینگ ۵ نماینده‌سیدن یالغیز ۳ ته‌سی تعطیلات زمانی ده بو ولایت گه سفر قیلیب اهالی بیلن اوچره‌شگن و شونینگدیک اولر تومن‌لرگه هم بارگن. بیراق پکتیکا ولایتی نینگ ۴ نماینده‌سیدن یالغیز بیرته‌سی اهالی بیلن اوچره‌شگن.
نماینده‌لر کینگشی نینگ ایچکی وظیفه‌لری نینگ اصول‌لری و تعطیلاتی حقیده، مذکور کینگش نینگ دبیرخانه‌سینی فکری نی اورگه‌نیش ایسته‌دیک؛ بیراق کوپینچه سعی و حرکت بیلن موفق بولمهدیک.
بیراق حقوقی ایش بیلرمان‌لردن قطاری سلام‌وطندار بیلن صحبت اوتکزیب ایتیش‌لریچه، نماینده‌لرنینگ قنده‌ی اوچره‌شیشی و حضوری توعریسیده اساسی قانون نینگ رسمی و غیر رسمی ییغین‌لریده دقت قیلینمه‌گن.
حقوقی ایش بیلرمان وحیده فرزه‌یی نینگ ایتیشیچه، مجلس‌لرده نماینده‌لرنینگ حضوری و شونینگدیک تعطیلاتی زمانی‌ده اهالی بیلن اوچره‌ش اخلاقی بیر ایش دیر.
نماینده‌لر کینگشی ده هرات نماینده‌سی غلام فاروق مجروح نینگ ایتیشیچه، نماینده‌لر کینگشی نینگ ایچکی وظیفه‌لر اصولی، تعطیلات و اوندن قنده‌ی استعمال قیلیش حقیده هیچ بیر نیرسه دیمه‌گن.
ایتیش کیره‌ک کیم یشاوچی‌لردن قطاری وکیل‌لری بیلن علاقه قوره آلمه‌سلیک‌لریدن شکایت قیلیشگن. اولرگه کوره، نماینده‌لردن قطاری آواز قولگه کیلتیرگندن کیین شخصی فایده‌لری نینگ آرقه‌سیدن توشیب و اهالی نینگ ایسدن چیقاره‌دی.
