.jpg)
کرېکټ نړۍوالې شورا ( ای سي سي) د راتلونکې ۲۰۲۰ کال شلاوریز کرېکټ نړۍوال جام لهپاره د لوبو مهالوېش او لوبډلوېش اعلان کړ.
د کرېکټ نړۍوالې شورا لهخوا د خپرې شوې خبرپاڼې کې لهمخې به د اسټرالیا په کوربتوب په راتلونکي کال ۷م پړاو شلاوریز کرېکټ نړۍوال جام سیالیو کې ۱۲ ګډونوالې لوبډلې په ۲ بېلابېلو ګروپونو کې ولوبېږي.
کرېکټ نړۍوالې شورا وايي، افغانستان به په (ب) ګروپ کې د اکټوبر په ۲۶مه او ۲۸مه نېټه لومړۍ او دویمه لوبه له لومړي پړاوه ورغلو لوبډلو سره په «پرت» لوبغالي کې وکړي چې سریلانکا او بنګلهدېش به پهکې له ۶ نورو لوبډلو سره په (لومړي پړاو) کې ولوبېږي چې ترې به ۴ بهترینه لوبډلې دویم او د ۱۲ لوبډلو پړاو ته لاره پیدا کړي.
شلاوریز کرېکټ کې د افغانلوبغاړو پرمختګ
افغانستان نېغ په نېغه د کرېکټ نړۍوال جام ته لاره پیدا کړه
پاکستان کرېکټ کې له پرلهپسې بریاوو سره له افغانستانه وروسته دی
دغه راز به افغان کرېکټ ملي لوبډله د نومبر په لومړۍ په «ایډلیډ» لوبغالې کې له سویلي افریقا سره د نومبر په ۴مه له په «برسبین» لوبغالې کې له انګلستان سره او د نومبر په ۶مه په «سیډني» لوبغالي کې له هندۍ کرېکټ ملي لوبډلې سره سیالۍ وکړي.
د یادونې ده چې د ۲۰۱۰ کال شلاوریز کرېکټ نړۍوال جام سیالۍ به د ۴ کلن انتظار وروسته په ۲ پړاونو کې د راتلونکی ۲۰۲۰ کال اکټوبر په ۱۸مه پیل شي چې دویم پړاو به یی د ۱۲ غورو لوبډلو ترمنځ د اکټوبر په ۲۴مه د اسټرالیا او د ۲۰ اوریزو لوبو لومړي مقام لرونکې پاکستانۍ کرېکټ ملي لوبډلې ترمنځ د شپې په رڼاګانو کې په «سیډني» لوبغالي کې وشي.
د افغانستان کرېکټ ملي لوبډلې لومړۍ ۳ سیالۍ به د افغانستان پر وخت سهار ۷ نیمې بجې وشي؛ خو انګلستان سره به په «برسبین» او له هندوستان سره په «سیډني» کې د افغانستان پر وخت غرمه ۱۲ نیمې بچې د لوبې ډګر ته ووځي.
.jpg)
ویسټانډيزۍ کرېکټ ملي لوبډله به د راتلونکې کال په ۲۰ اوریز کرېکټ نړۍوال جام سیالیو کې له خپلې تېرې اتلولۍ دفاع کوي. د دې جام نیمهپایلوبه به د نومبر په ۱۱مه او ۱۲مه په «سیډني او ایډلیډ» لوبغالیو کې او د اتلولۍ جام ګټلو لهپاره پایلوبه د نومبر په ۱۵مه په «میلبورن» کې وشي.
د کرېکټ نړیوالی شورا اجرایوي مشر ډیویډ ریچرډسن وایي، کله چې نړېواله شورا په اسټرالیا کې کوم ټورنمېنټ برابروي؛ نو پوهېږي او د دې ضمانت ورکوي چې دغه سیالۍ به په نړۍواله کچه یو بیلیون مینهوال ګوري.
د ښاغلي ریچرډسن په وینا، د راتلونکی کال په ۲۰ اوریز نړۍوال جام کې به د نړۍ غوره لوبغاړي د اسټرالیا په غورو لوبغالیو کې او د جذباتي او له شورجوړونکیو مینهوالو په وړاندی لوبېږي چې یادګاري به وي.
د اسټرالیا په کوربتوب د نارینه ۷م پړاو شلاوریزو کرېکټ نړۍوال جام نه مخکې به د فېبرورۍ په ۲۱مه په همدې هېواد کې د ۱۰ غورو لوبډلو ترمنځ ښځینه ۲۰ اوریز کرېکټ نړۍوال جام سیالۍ هم د کوربه اسټرالوۍ او هندۍ ښځینه کرېکټ ملي لوبډلو ترمنځ په سیالۍ سره پیل شي چې د نومبر په ۸مه به په «میلبورن» کې د اتلې لوبډلې په اعلان سره پای ته ورسېږي.
