بایسکل هیده‌ش ملی تیمی گه اعضا تنله‌ش اوچون یولگه قوییلگن ایکی کون‌لیک بایسکل هیده‌ش رقابتی ۱۲ عیال نی تنله‌ش بیلن یکونلنگن.
مذکور رقابت ده کابل، بلخ، دایکندی، غزنی، فاریاب و بامیان ولایت‌لریدن ۴۷ عیال شرکت قیلگن ایکن.
افغانستان بایسکل هیده‌ش فدراسیونی باشلیغی فضل‌احمد فضلی نینگ ایتیشیچه، مذکور اشتراکچی‌لردن ۱۲ ته‌سی ملی تیم اعضالیگی نی قولگه کیلتیرگن.
بامیان، فاریاب و کابل ولایت‌لریدن زهرا رضایی، افسانه نوروزی، یلدیز هاشمی، ریحانه، آرزو، شهربانو، رخسار حبیب‌زی، فریبا هاشمی، نجلا، سحر سادات، نرگس حکیمی و نوریه بیرینچی مقام‌دن ۱۲- مقام گچه نی قولگه کیلتیرگن.
بو رقابت ده بیرینچی مقام نی قولگه کیلتیرگن زهرا رضایی نینگ ایتیشیچه، مملکتدن تشقی بایسکل هیده‌ش رقابت‌لریگه شرکت قیلیش اوچون سعی و حرکت قیله‌دی.
ایکینچی و اوچینچی مقام نی قولگه کیلتیرگن کابل یشاوچیسی افسانه نوروزی و فاریاب یشاوچیسی یلدیز هاشمی نینگ ایتیش‌لریچه: «طالبلرگه باج بیرمه‌یمیز». مذکور ایکی سپورتچی بایسکل هیده‌ش آرقه‌لی مملکت عیاللری و ایرکک‌لری نینگ حق‌لریدن دادخواهلیک قیلیش نی ایسته‌یدیلر.
بایسکل هیده‌ش رقابتی «تور بامیان» نی یولگه قویگنلر، مذکور برنامه نی یولگه قوییش‌دن مقصد بو سپورت رشته‌سیگه عیاللرنی تشویق قیلیش دیدی.
بایسکل هیده‌یدیگن عیاللر مذکور رقابت نی بیرینچی کونیده ۳۵ کیلومتر و ایکینچی کونیده ۵۰ کیلومتر نی طی قیلگنلر.
