ترکیه باش وزیری بن‌علی ییلدریم کابل کیلگن چاغیده، افغان-ترک مکتب‌لری اوقووچیلر عایله‌وی کمیته اعضاسی ینه بیر بار مذکور مکتب‌لرنینگ مدیریتی ترکیه دولتی گه تاپشیریلگنی خصوصیده، اعتراض بیلدیرگن.
اولرنینگ ایتیشیچه، دولتی اداره‌لردن بیرقطاری اولرگه قرشی دیر و بو مؤسسه‌لر توغریسیده آلینگن قرارلرنی برچه‌سی قانون گه قرشی دیر؛ شو یوزه‌دن اولر حکومت رسمی لریدن تیزلیک ده ایلگریدن آلگن قرارلری توغریسیده قیته تیکلش لرینی سوره‌یدی.
اولرنینگ ایشانچی گه کوره، ترکیه باش وزیری‌نینگ کابل گه قیلگن سفری، مذکور مکتب‌لرده تیزیم برهم اورولیشی‌گه سبب بولگن صورتده، بو موضوع افغانستان و ترکیه اهالیسی‌نینگ منفعتی و تارخی علاقه‌لریگه قرشی دیر.
عین حالده، ملی بیرلیک حکومت اجراییه باشلیغی داکتر عبدالله عبدالله، ترکیه باش وزیری بیلن اوتکزگن قوشمه خبری ییغینیده، افغان-ترک مکتب‌لری‌نینگ مدیریتی‌نی تاپشیریش کیلیشوو تطبیق ایتیلیشی اوستیگه تأکیدلب ایتیشیچه، بو توغریده کیلیشیلگن و بوندن سونگ، معارف وزیرلیگی و معارف بنیادی تامانیدن بو مکتب‌لر قوشمه شکلده نظارت قیلینه‌دی.
عین حالده، افغان-ترک مکتب‌لری اوقووچیلر عایله‌وی کمیته اعضالری‌نینگ ایتیشیچه، افغانستان حکومتی باسقین آستیده بولگنینی بهانه قیلیب ترکیه دولتی‌نینگ نامعقول ایستک‌لریگه ایجابی جواب بیرگن.
