بوگون «شنبه» کابلده یولگه قوییلگن ملت گه حکومت جواب بیریش ملی برنامهده شهر قوریش و ییر بوتونلیگی وزیرلیگی نینگ مسؤوللری، اوتگن 4 ییلده ییر غصب قیلووچیلردن 18 مینگ و 823 تهسی تانیلگنیدن خبر بیرگن.
شهر قوریش وزیرلیگینی سرپرستی محمدجواد پیکارنینگ ایتیشیچه، 18 مینگ و 823 ییر غصب قیلووچیلردن جملهسیدن 15 مینگ و 831 تهسینینگ رویخطی عدلی و قضایی ادارهلرگه یوباریلگن.
شهر قوریش وزیرلیگی سرپرستینینگ کوپهیتیریشیچه، مربوط بولگن ادارهلرنینگ کیلیشوویدن سونگ، ییر غصب قیلووچیلرنینگ رویخطی اعلان ایتیلهدی.
اونینگ ایتیشیچه، حاضرگهقدر غصب ایتیلگن 500 مینگ جریب دولتی ییر، ییر غصب قیلووچیلر قولیدن آلینگن.
شهر قوریش وزیرلیگی مسووللریگه کوره، کابل، هرات، مزارشریف، جلالآباد، قندهار، فراه، بامیان و نیلی شهرلریده رسمی و پلانگه ماس بولمهگن اویلرنینگ رویخط گه آلیش ریجهسی نینگ دوامی بار.
اولرنینگ ایتیشیچه، کابل، هرات، جلالآباد، بامیان و نیلی شهرلریده رسمی بولمهگن 4000 اویگه مالکیت سندی بیریلگن و میلادی 2020- ییل گهقدر رسمی بولمهگن 5000 اویگه ملکیت سندی بیریلهدی.
