د زابل د پلازمېنې کلات په «سینک» سیمه کې بېګا شپه (جمعې) یو معتاد پولیس مېرمن، خپله خور او اخښی وژلي او خپل ماشوم زوی يې ټپي کړیدی.
د زابل ولایت د مقام ویاند ګلاسلام سیال سلام وطندار ته وویل، چې دغه پولیس په شینکۍ ولسوالۍ کې دنده لرله.
د ده پر وینا، یاد شخص د ډېرو نشو له امله خپل ذهني توازن له لاسه ورکړی او د کورنۍ د غړیو له مرګ و ژوبلي وروسته يې ځان هم وژلی دی.
تر اوسه د دوی د کورنۍ کوم غړي د پېښې د پخلي په اړه رسنیو ته څه نهدي ویلي.
دا پهداسي حال کې ده، چې پروسږ کال هم یو په نشه روږدي شخص په کلات ښار کې د خپلې کورنۍ ۷ غړي وژلي وو.
