د جوزجان د قوشتپې ولسوال امینالله امین سلام وطندار ته وویل چي دا پېښه بېګا ناوخته پهدې ولسوالۍ کې هغه وخت رامنځته شوه چې د ازبیکستاني داعش «زوم» د هغه امر ونه منلو او له طالبانو سره یې بیعت وکړ.
د قوشتپې د ولسوال په وینا، دا سړی خطیب نومېږي او د داعشیانو مالي مسوول دی. خطیب چې څنګه پهخپل زوم باندې د بمویشتونکي ټوپک ډز کړی؛ د هغه لهخوا پرې لاسي بم وراچول شوی چې په پایله کې یې خطیب ټپي شویدی.
ښاغلي امین زیاته کړه چې د خطیب د برخلیک په اړه معلومات نهشته؛ خو دومره خبر دي چې د هغه د ښي لاس ۵ ګوتې پرې شوېدي.
داعشیانو تر دامهاله رسنیو ته پهدې اړه څه نهدي ویلي.
