.jpg)
بیرلشگن ملت‌لر تشکیلاتی‌نینگ افغانستان‌ده‌گی اورین باسرلیک دفتری یا یونامانینگ دوشنبه کونگی 6 آی‌لیک گزارشیده اوروشلرده تینچ اهالی تلفاتیگه آرتیرلیگنی توغریسی‌ده تیار قیلیب ترقه‌تگن.
ترقه‌تیلگن گزارشنی کورسه‌تیشیچه، میلادی جاری ییل‌نینگ اوتگن 6 آییده تینچ اهالی‌نینگ اولیشی اوتگن ییل‌گه قره‌گنده ایکی فایز کوپه‌یگن، بیراق یره‌لنگن کیشی‌لر رقمی ایسه بیر فایز آزه‌یگن.
یونامانینگ ترقه‌تگن گزارشیگه کیلیشیچه، مملکت‌ده جاری میلادی ییل جنوری آی نینگ باشله‌نیشیدن و جون آی‌نینگ سونگی سیگچه بیرمینگ و 662 تینچ اهالی اولدیریلگن.
شونینگدیگ یونامانینگ خبرنامه‌سیده، اوروش جریانیده یره‌لنگن کیشی‌لر سانی اوچ مینگ و 581 کیشی‌گه ییتیشگنی یازیلگن.
یوناما دفتری دولت‌گه قرشی اوروشه‌دیگن جنگریلرنی تینچ اهالی‌نینگ 67 فایز تلفاتیگه مسؤول بیلیب ایتیشیچه، دولت‌گه قرشی اوروشه‌دیگن جنگریلرهجوم‌لری نتیجه‌سیده بیر مینگ و 141 کیشی اولیب وباشقه ایکی مینگ و 348 انسان یره‌لنگن.
شونیگدیگ یوناما، تلفات‌لردن 43 فایزیگه طالبلر، بیش فایزیگه داعش جنگری‌سی و قالگنیگه ناتانیش قوراللی شخصلرنی مسؤول دیگن.
باشقه تاماندن دوشنبه کونی تینچ اهالینی سقلش دادخواه‌لیک گروهی‌نینگ رسمیلری یا CPAG خبری بیر اولتیریشده بیلدیریشلریچه، اولرنینگ تاپیلمه‌لرینی کورسه‌تیشیچه، افغانستان‌ده بولگن تعریف ایتیلمه‌گن اوروش تینچ اهالی‌نینگ تلفاتی کوپه‌یشیگه سبب بولگن.
تینچ اهالینی سقلش دادخواه‌لیک گروهی‌نینگ اعضالریدن بیری عاتف فقیر زاده، خلق ارا اوروش قانونلری و کنواسیونی نظرده توتیلمه‌گنی تینچ اهالی‌نینگ تلفاتینی بیر بولیمی‌گه سبب بوله‌دی.
جناب فقیرزاده، دوست و دشمن‌نی اینقلنمه‌گنی، تینچ اهالیدن انیق تعریف بولمه‌گنی، اویوشتیریله‌دیگن عملیاتلر اورین سیزلیگی، اوروش منطقه‌لری قولمه مه‌قول بولیشی و حکومت حربی‌لری آرقه‌لی ماین اورنه‌تیش تینچ اهالی‌نینگ تلفاتی کوپه‌یشیگه سبب بولگن.
تینچ اهالینی سقلش دادخواه‌لیک گروهی‌نینگ اعضالریدن باشقه بیری عزیزالرحمان تسل‌گه کوره، اولرنینگ گزارشلریگه قره‌گنده میلادی 2017- ییل‌نینگ جون آی افغانستان‌ده تینچ اهالی تلفاتی اوچون اینگ قانلی آی بولگن.
جناب تسل، مذکور آیده 249 کیشی اولیب وباشقه 794 نفر یره‌لنگن و افغانستان نینگ 16 ولایتی ارا کابل بیرینچی اورینده بولگنینی ایتگن.
ایتیلیشیچه، یوناما تامانیدن ترقه‌تیلگن گزارشگه قره‌گنده میلادی 2016- ییل‌نینگ بیرینچی آلتی آییده بیر مینگ و 601 تینچ اهالی اولیب وباشقه اوچ مینگ و 565 کیشی یره‌لنگن ایکن.
