کنرخاص تومنیده بولگن امنیتی کوچلرنینگ قرارگاه‌لریدن بیری گه باردیم. او ییرده بوتون عسکرلر عادتاً ایرته نمازیدن سونگ صف تارتیب و مملکتدن مدافعه قیلیش خصوصیده وفادارلیک‌لرینی کورسته‌دیلر.
قاره کوزلی و اوزون بویلی بولگن بیری رسمی مراسم یکونلنگنیدن سونگ، قومندانیدن رخصت آلیب بیز بیلن صحبت قیلیش گه اولتیردی.
سیماسی و صحبت‌لریدن معلوم بولردی کیم مملکتدن مدافعه قیلیش و یشاوچیلرگه خذمت قیلیش یولیده اراده‌سی کوچلی دیر.
آتی معتبر خاکسار دیر و او ننگرهار ولایتی‌نینگ سرخرود تومنیدن بوله‌دی و خوگیانی تومنیده 8- صنف گچه درس اوقیگن.
اونینگ ایتیشیچه، حربی کوچلر تشکیلاتی گه قوشیلگنیدن سونگ، حربی تعلیمات کورگن و کنر ولایتیده 5 ییل وظیفه قیلگن و شونینگدیک، نیچه مؤفقیت‌لی عملیات نی باشیدن اوتکزگن.
خاکسارنینگ اییتشیچه، ناری، سوکی، درۀ پیچ و کنرنینگ باشقه تومنلریده دشمن گه قرشی بیرینچی خط‌لرده اوروشگن.
اونینگ، اوروش میدانی‌دن اَچیق و شیرین تجربه‌لری بار. اونگه کوره، بیر مرته عملیات اوچون کنرنینگ ناری تومنیده کیتگن ایدیک و اوچ کیچه نی او ییرده اوتکزدیک و قیتگونچه 83 تانک بیزلر بیلن بیرگه ایدی کیم طالبلرنینگ پسترمه‌سیگه دوچ کیلدیک. مذکور حادثه‌ده 3 تانک اورته‌دن کیتدی و شونینگدیک 2 یولداشی‌میز هلاک بولدی. طالبلر یقین کیلیب و بیزلرنینگ تسلیم بولیشی‌میزنی سوره‌دی؛ بیراق بیزلر تَن بیرمه‌ی و اوزیمیزنی پایگاه گه ییتیشتیردیک.
خاکسارنینگ ایتیشیچه، جسمی میزگه بیر قطره قان بولگونگه قدر مملکتی‌میزدن مدافعه قیله‌میز. او باشقه‌لر کبی تینچلیککه ارزش بیره‌دی؛ بیراق ایتیشیچه، بیرار کیشی بیزلربیلن اوروشگن صورتده جواب بیریش اوچون تیارگرلیگی‌میز بار.
او حاضرگه قدر تورموش قورمه‌گن؛ بیراق 10 کیشی‌لیک بیر عایله مسئولیتی بوینیگه دیر.
شو توغریده:
اوشبو عسکرنینگ ایتیشیچه، گرچند اوتمیش‌ده اقتصادی وضعیتی یخشی ایمس ایکن؛ بیراق حاضر آیلیگی بیلن عایله‌سی نینگ احتیاج‌لرینی رفع قیله آله‌دی.
خاکسار یشاوچیلر و حربی قومندانلرنینگ حرکتلریدن راضیلیک بیلدیره‌دی. اونینگ ایتیشیچه، یشاوچیلرنینگ ایجابی حرکتلری مملکتدن مدافعه قیله‌دیگن عسکرلرگه روحیه بیره‌دی.
خاکسارنینگ کوپه‌یتیریشیچه، وظیفه‌سی و اختیاریده بولگن امکانیتدن راضی دیر و مملکتدن مدافعه قیلیش اوچون اوروشیش بیر عسکر اوچون سیوگی دیر و بو قولی‌لیککه سینمه‌یدی.
اوشبو عسکر بیلن صحبت نی دوامی بیریش شیرین دیر؛ بیراق اونینگ قومندانی‌نینگ اشاره‌سیدن کیین صحبت‌لرنی توخته‌تیش گه مجبور بولدیک. او و اونینگ باشقه همکارلرینی سیماسی‌ده مملکت اوچون قان‌لریگه جریان تاپگن سیوگی کورینه‌دی.
