تینچلیک عالی کینگشی‌نینگ مسووللری، طالبان گروهی پاکستان حکومتی طرفیدن باسیم آستیگه آلینیشی فقط افغانستان دولتیدن امتیاز آلیش دن بولک نرسه ایمس دیگنلر. رسمیلر، پاکستان حکومتی طالبان حرکتینی باسیم آستیگه آلیش بیلن افغانستان‌ده تینچلیک تامینلش مساله‌سیگه بولگن تاثیرینی افغانستان یوزیگه تارته دیدیلر.
بو قبیل سوزلر افغانستان دولتی بیلن مذاکره قیله دیگن طالبان رهبرلری نینگ ایکّی بلند مرتبه‌لی اعضاسی پاکستانلیک رسمیلر آرقه‌لی باسیم آسیتگه آلینگن‌لیگی توغریسیده گزارشلر نشر بولگن بیر پیتده تیلگه آلینماقده.
تینچلیک عالی کینگشی نینگ تشقی علاقه‌لر مسوولی اسماعیل قاسمیار، پاکستان حکومتی و طالبلر نماینده‌لری اورته‌سیده‌گی تیل تارتیشوولر رسمی اسلام آباد افغانستان تینچلیک لایحه‌سی اوچون منت قوییشنی معلوم قیله‌دی دیدی.
اونینگ سوزلریگه قره‌گنده، پاکستان دُهه ده طالبلر اوستیده سرمایه یاتقیزیگن و آسانلیک بیلن بو حرکتدن اوتمیدی.
بیر قنچه سیاسی تحلیلچیلر هم طالبلرنینگ قولی هر دایم پاکستان تاشی آستیده دیب، رسمی اسلام آباد ساده‌لیک بیلن بو گروه دن قول کوتارمس لیگینی تیلگه آلگنلر.
سیاسی تحلیلچی وحید مژده، طالبان چین، ایران و روسیه بیلن علاقه قوریشده اولگوره دی؛ لیکن پاکستان اوشبو حرکت ایرکین عمل قیلیشی‌گه رخصت بیرمیدی دیگن.
جناب مژده، طالبلر امریکا بیلن مذاکره قیلیشنی اویَت بیلمی و پاکستان حکومتی‌نی مذاکره اوچون واسطه قیلمه‌گن حالده، اولرنینگ علاقه‌سی افغانستان دولتی بیلن بوتونلی اوزگرر ایدی دیدی.
باشقه بیر سیاسی ایشبیلرمان نظرمحمد مطمئن، طالبلر افغانستان حکومتی بیلن تینچلیک مذاکره اوتکزیش‌گه تیار؛ لیکن پاکستان بو گروه نی باسیم آستیگه آلیش بیلن بو لایحه‌گه توسیق یره‌ته دی دیگن.
سونگی کونلرده نشر بولگن گزارشلرده، افغانستان حکومتی نینگ بلند مرتبه‌لی رسمیلری ایکّی آی آلدین طالبان نماینده‌لری بیلن قطرده اوچره‌شیب ملاقات قیلگن لیگی قید ایتیلگن. شونینگدیک بعضی بیر گزارشلرده قطرده طالبان سیاسی وکالتخانه‌سی نینگ نماینده‌لری افغانستان حکومتی بیلن یره‌شیش توغریسیده مصلحت قیلیش اوچون پاکستان‌گه سفر قیلگن لیکلری معلوم قیلینگن ایدی.
