یاروغلیک حرکتی‌نینگ اعضالری کابل‌ده خبری بیر انجمن اوتکزیب، دولت‌گه تیگیلشی کوپینچه ساغلیق‌نی سقلش مرکزلری ایکینچی اسد حادثه‌سی‌ده یره‌لنگن کیشی‌لرگه دییرلی قرمه‌گن‌لیگی‌دن شکایت ایتگن‌لر.
ایتیلیشیچه، بدنیده هنوز جراحتی بولگن بعضی بیر کیشی‌لر دواله‌نیش باسقیچی نهایی بولمه‌ی توریب، ساغلیق‌نی سقلش مرکزلریدن چیقاریلگن‌لر.
یاروغلیک حرکتی‌نینگ اعضاسی عارف رحمانی، دولت شفاخانه‌لری مسوول‌لری‌نینگ بی‌فرق یانده‌شگنی باعث، دهمرنگ‌ده صادر ایتیلگن قانلی واقعه‌ده یره‌دار بولگن‌لر شفاخانه‌دن چیقاریلیشی بیلن جدی مشکل‌گه روپه ره بولیب، خصوصی شفاخانه‌لرگه مراجعه قیلگن‌لر.
جناب رحمانی، افغانستان جمهور رییسی محمد اشرف‌غنی‌نینگ دهمزنگ حادثه‌سی‌ده یره‌لنگن‌لر درست شکل‌ده دواله‌نیشی اوچون بیرگن بویروغی‌گه قره‌می، شفاخانه‌لرنینگ مسوول‌لری مجروح لرنی لازم درجه‌ده دوالمه‌گن.
رحمانی، دنیا همجمعیتی دایم دیموکراسی، انسان حق و حقوق‌لری و افغانستان‌ده مدنی اداره‌لر کوچله‌نیشی اوچون تاکیدلب کیله‌دی؛ لیکن، عمل‌ده بیرار – بیر ایش قیلمه‌گن لیگی‌نی تیل‌گه آلگن.
اونگه کوره، دنیا همجمعیتی دهمزنگ قربان‌لری خانه‌دانی و یره‌لگن‌لر اوچون هیچ اعتبار بیرمه‌گن.
افغانستان ساغلیق‌نی سقلش وزیرلیگی‌نینگ سوزلاچی‌سی اسماعیل کاووسی، یاروغلیک حرکتی اعضالری ادعاسی‌نی رد ایتیب سلام‌وطندارگه ایتیشیچه، دولت‌گه قره‌شلی بوتون شفاخانه‌لر ایکینچی اسدده یره‌لنگن‌لرنی اینگ درست شکل‌ده دواله‌گن دیگن.
شونینگ‌دیک جناب کاووسی، هر بیر کسل دواله‌نیش پیت‌ده شفاخانه‌دن اوز باشیمچه چیقاریلمه‌گن لیگی خصوصی‌ده علیحده تاکید قیلگن.
اما، جراحتی یینگیل بولگن بعضی بیر کیشی‌لر تیزلیک‌ده شفاخانه‌دن چیقاریلگن لیک‌لرینی تصدیق ایتگن کاووسی.
جاری ییل اسد آیی‌نینگ ایکینچی‌سی‌ده دهمزنگ‌ده صادر ایتیلگن خودکش هجوم عاقبتی‌ده 80 کیشی قربان بولگن ایدی. شونینگ‌دیک واقعه‌ده کمیده 230 انسان آغیر و یینگیل یره‌لندی.
