.jpg)
سلام وطندارگه صحبت بیرگن اعتبارلی بیر منبع‌نینگ ایتیشیچه، کابل شهری‌نینگ اورگه‌تیش و تربیه‌لش ریاستی باشلیغی سعید منصور، اوز آدم‌لریدن فایده‌لنیب، اوقیتووچیلر و اوقووچی‌لردن اوتگن جمعه کون، 15- ثور، کابل‌ده اوتکزیلگن گلبدین حکمتیارنینگ ییغینی‌گه اشتراک ایتیش‌لرینی سوره‌گن.
گلبدین حکمتیار، 20 ییل‌دن سونگ، 14- ثور، کابل‌گه کیلدی. بیراق، ایستک‌لرگه قرشی، اونلرچه کیشی اونگه همراه‌لیک قیلدی و اوشه کون‌نینگ ایرته‌سی کابل‌ده‌گی سپورت میدانی‌ده اوتکزگن ییغینیده مینگ‌لرچه کیشی اشتراک ایتدی.
منبع‌گه کوره، گلبدین حکمتیارنینگ ییغینیده کابل شهری‌نینگ معارف ریاستی باشلیغی تامانیدن دولتی و غیر دولتی مکتب‌لرنینگ کوپلب ایرکک و عیال اوقیتووچیلری و اوقووچی‌لری چقیریلگن ایکن.
اوشبو منبع‌نینگ ایتیشیچه، مکتب‌لرنینگ بیرقطار مدیرلری و آمرلری، باشکینت معارف باشلیغی‌نینگ ایسته‌گی‌نی قبول قیلمه‌گن‌لر، بیراق باشقه بیر قطاری، ایش خوفسیزلیگی یوقلیگی‌دن قورقیب و بو ایستک‌که تن بیریب و اسلامی حزب رهبری‌نینگ ییغینی‌گه اشتراک قیلگن‌لر.
شونینگ‌دیک، اوشبو ییغین‌گه اشتراک ایتگن قطار اوقیتووچیلر، بو موضوع‌نی تصدیق‌له‌یدی. اولر، آت‌لری فاش ایتیلیشی‌نی ایستمه‌ی ایتیشیچه، ایریم آدرس‌لردن اولرگه علاقه قوریلیب و بو ییغین‌گه اشتراک قیلیش‌لرینی طلب قیلگن‌لر.
بیراق، کابل شهری‌نینگ معارف ریاستی باشلیغی سعید منصور، بو موضوع‌نی رد قیله‌دی. اونینگ ایتیشیچه، گلبدین حکمتیارنینگ حزبی، نفوذی بولمه‌گن کم‌بغل حزب ایمس دیر. «بو حزب‌نینگ میلیونلرچه طرفداری بولگنی سبب هیچ بیر کیشی یا-ده گروه‌نی زوردن ییغین‌گه اشتراک قیلدیریش‌گه اورین یوق دیر.»
.jpg)
عین حالده، معارف وزیرلیگی سوزلاوچیسی مجیب مهردادنینگ سلام‌وطندارگه ایتیشیچه، افغانستان معارف وزیرلیگی، اوقووچی‌لر سیاسی ییغین‌لرگه اشتراک ایتیش‌لریگه قرشی دیر و شهر معارف باشلیغی تامانیدن اوقیتووچیلر و اوقووچی‌لر سوء استعمال ایتیلگنی خصوصیده، حجت قولگه کیریتیلگن تقدیرده، بو قضیه قانون اساسیده تیرگاوگه آلینه‌دی.
لیکن اسلامی حزب‌نینگ توشونچه‌سی هم کابل شهری معارف باشلیغی‌نینگ توشونچه‌سیگه اوخشه‌یدی. مذکور حزب سوزلاوچیسی نادر افغان‌نینگ سلام‌وطندارگه ایتیشیچه، اسلامی حزب امیری‌نینگ میلیونلرچه طرفداری بار و اولر نیچه مینگ کیشی‌نی بو ییغین‌گه اشتراک قیلگنی قویمه‌گن‌لر.
جناب افغان‌گه کوره، افغانستان اسلامی حزبی یاشلر تامانیدن قوریلگن و یاشلر اسلامی حزب امیری‌نینگ بیاناتی‌گه علاقه کورسته‌دیلر.
اسلامی حزب سوزلاوچیسی‌نینگ ایتیشیچه، کابل شهریده چمه‌سی 8 میلیون کیشی یشه‌یدی و کمیده بیر میلیون کیشی اسلامی حزب طرفداری بولگن. نادر افغان‌نینگ ایتیشیچه، اسلامی حزب امیری قوشنی پاکستانده بیانات بیرسه مینگ‌لرچه کیشی ییغیله‌دی و بو ییر افغانستان و اوزی‌نینگ مملکتی دیر.
ایتیش کیره‌ک، جاری ییل، 30- اپریل‌ده، فاروق وردک‌نینگ پارلمان ایشلری بوییچه دولت وزیری صفتیده تانیشتیریش مراسمی‌ده کابل شهری‌نینگ مکتب‌لرینی بیرقطار آمرلری، اوقیتووچیلری و باله‌لر اشتراک ایتگن ایدی.
گلبدین حکمتیار، کابل‌ده قدرت قولگه کیریتیش اوچون 40 ییل قورال کوتردی و اوتگن 15 ییل‌ده، طالب‌لرنینگ تیزیمی سقوط قیلگنی‌دن کیین، تشقی کوچلرنی چیقاریش و اوز ایسته‌گی بیلن اسلامی حکومت ایجاد ایتیش اوچون کوره‌شدی. او، نتیجه‌ده برچه ایستک‌لریدن وازکیچیب و افغانستان تینچلیک لایحه‌سیگه قوشیلدی.
