گردیز-پتان جاده‌سینی ایشی یکونلنمه‌گنیدن خواطر بیلدیرگن پکتیا ولایت کینگشی اعضاسی و یشاوچیلردن بیرقطاری‌نینگ ایتیشیچه، مذکور جاده‌نی ایشی اوچ ییل آلدین باشلنگن؛ بیراق حاضرگچه یکونلنمه‌گن.
شونینگ‌دیک، پکتیا محلی رسمی‌لری، مذکور جاده‌نی قوریلیش پولی بیر شرکت‌گه تاپشیریلگنی و جاده ایشی حاضرگچه یکونلنمه‌گنینی تَن آلگن.
عین حالده، پکتیا ولایت کینگشی اعضالری و یشاوچیلری، گردیز-پتان جاده‌سی قوریلیشی‌گه مسؤول شرکت و اوشبو ولایت محلی رسمی‌لرینی فسادگه عیب‌لب ایتیشیچه، اوشبو جاده‌نی قوریلیش پولی نیازمند شیرزاد قوریلیش شرکتی‌گه بیریلگن؛ بیراق اوشبو جاده‌نی ایشی حاضرگچه یکونلنمه‌گن.
پکتیا ولایت کینگشی اعضاسی الامیر بهرام‌زی‌نینگ ایتیشیچه، اوشبو جاده‌نی قوریلیش پولی اوچ ییل آلدین، نیازمند شیرزاد شرکتی‌گه بیریلگن؛ بیراق اوشبو جاده‌نی 10% ایشی حاضرگچه تکمیل بولمه‌گن.
بهرام‌زی گه کوره، نیازمند شیرزاد شرکتی و فواید عامه وزیرلیگی مذکور جاده‌نی قوریلیش ایشی‌ده فساد قیلگن.
بیراق، نیازمند شیرزاد شرکتی باشلیغی نیازمحمدنینگ سلام‌وطندارگه ایتیشیچه، اوشبو شرکت و فواید عامه وزیرلیگی آره‌سیده قول قوییلگن کیلیشوو اساسیده، اولرنینگ ایستک‌لری عمل‌گه آشیریلمه‌گنی سبب، گردیز-پتان جاده‌سینی ایشی توخته‌تیلگن.
نیازمند شرکتی باشلیغی‌گه کوره، اوشبو جاده‌نی بیر قسمتی کوپ وقت آلدین قوریلگن، بیراق زمان اوتیشی بیلن قیته‌دن بوزیلگن.
پکتیا حاکمی شمیم‌خان کتوازی‌نینگ ایتیشیچه، او پکتیا حاکمی قیلیب تعیین لنیشی‌دن آلدین، مذکور جاده‌نی قوریلیش ایشی نیازمند شرکتی‌گه تاپشیریلگن و شونینگ‌دیک، 50% پولی بو شرکت‌گه ییتیشگن.
پکتیا حاکمی‌نینگ ایتیشیچه، نیازمند شرکتی مسؤوللریدن مذکور جاده‌نینگ ایشینی تیزلیک‌ده یکونلنتیریشی‌نی سوره‌گن.
گردیز-پتان چاده سی 80 کیلومتر بولگن و بو جاده 9 تومن دن اوتیب پکتیا مرکزی گردیزنی دندپتان تومنی گه باغله یدی.
