نفتی ماده‌لر و گاز مایع اداره‌سی نینگ 400گه یقین خادمی اوشبو اداره باشلیغی‌نی بی فرقلیککه عیبلب اعتراض بیلدیرگنلر. مذکور خادملر تورت کوندن بیری ایش تشله‌گن. اولر، بو اداره ده بعضی شخصلر کتّه معاش بیلن مصلحتچی تعیین ایتیلیشی، بو اداره نینگ بعضی ملازملری ایشدن آلینیشی ملازملر بیلن کمسیتیش یوزه‌سیدن یانده‌شیلیشی کبی مساله‌لر بارلیگی سبب ایش تشله‌گنلر.
نفتی ماده‌لر اداره‌سی نینگ خادمی مایله طلوع نینگ سلام‌وطندارگه ایتیشیچه، اوشبو اداره فسادگه باتگن. شونینگیدک بو اداره نینگ ینه بیر خادمی نثاراحمد، حکومت نینگ رهبرلری بو ایستکلریگه جواب بیرمه‌گن حالده، ایش تشلش‌دن قول کوتارمسلیکلری باره‌سیده آگاهلنتیرگنلر.
نفتی ماده‌لر اداره‌سی نینگ ملازملری ایش تشله‌گن لیگی توغرسیده اشاره قیلگن نماینده‌لر مجلسی نینگ بعضی اعضالری، خادملرینی مشکلینی بر طرف ایتیشگه موفق بولمه‌گن وزیرلیک نینگ رسمیلری ایشدن آلینیشی‌نی بیلدیرگنلر.
اما، نفتی ماده‌لر اداره‌سی نینگ باشلیغی ولید تمیم، اعتراض خادملرنینگ برچه ادعالرینی رد قیلیب، اداره‌سیگه شایسته سالارلیک همده قابلیت‌گه بیرینچی بولیب اعتبار بیرگن لیگین ایتگن.
مملکت گاز مایع و نفتی ماده‌لر اداره‌سی نینگ اعتراضچی خادملری، قیین چیلیکلری حکومت آرقه‌لی حل ایتیلمه‌گن تقیدیرده، اعتراضلریگه دوام بیریب پایتخت یولینی ترافیک یوزیگه یاپیشلری خصوصیده آگاهلنتیرگنلر.
