.jpg)
«اوی ایشلری خصوصیده بی‌فرق یانده‌شگنی اوچون ایسیق تیمیرنی تَنه‌سی‌گه باسگن، ساچ‌لرینی یولگن و قورال قونداغی بیلن باش و یوزیگه اورگن‌لر.» بو گپ‌لرنی، بغلان ولایتی عیال‌لر ایشلری بوییچه ریاست باشلیغی خدیجه یقین، قیین آته‌سی‌نینگ عایله‌سی تامانیدن کلتکلنگن کیچیک یاشلی کیلین وگمه‌نینگ توغری‌سیده ایتگن. تنه‌سی‌نی برچه ییری قِیناق گواه‌سی بولگن وگمه‌نینگ ایتیشیچه، «می‌نینگ اولدیرینگیزلر، بیراق او اوی‌گه قیتریب آلیب بارمنگیزلر.»
14 یاشر وگمه بیر ییل آلدین، 17 یاشر بیر ییگیت بیلن تورموش‌گه چیقاریلگن، بیراق سونگی مرته وگمه‌نینگ ایری و ایری‌نینگ ایناغه‌سی اونی یمان شکلده قِیناققه سالگن و خانم یقین‌گه کوره، «وگمه‌نینگ هیچ بیر ییری داغ‌سیز قالمه‌گن و برچه وجودی شیشگن.»
.jpg)
بغلان عیال‌لر ریاستی باشلیغی‌نینگ ایتیشیچه، اوشبو یاش قیز، بیر ییل جریانیده ایری و قیین آته‌سی‌نینگ عایله‌سی تامانیدن قِیناققه سالینگن. اونگه کوره، وگمه ایرته نمازی‌نی بهانه قیلیب اویدن قاچه‌دی و یقین‌لریده بولگن امنیتی پوسته‌دن یاردم سوره‌یدی.
وگمه‌نینگ سلام‌وطندارگه ایتیشیچه، «اولیش‌گه حاضرمن، بیراق او اوی‌گه قیتمه‌یمن.» اونینگ کوپه‌یتیریشیچه، هیچ بیر کیچه‌نی قِیناق‌سیز ایرته قیلمه‌گن و نیچه مرته تشناب‌ده قماققه سالینگن.
شونینگ‌دیک، بغلان امنیه قومندانی نورحبیب گلبهاری‌نینگ ایتیشیچه، وگمه‌نینگ ایری و ایری‌نینگ ایناغه‌سی قولگه آلینگن و بو موضوع توغری‌سیده تیرگاو باشلنگن.
.jpg)
